First Female Dentist : ಭಾರತದ ಮೊದಲ ಮಹಿಳಾ ದಂತವೈದ್ಯೆ ಯಾರು..?
First Female Dentist in India
ಭಾರತದ ದಂತವೈದ್ಯಕೀಯ ಕ್ಷೇತ್ರದಲ್ಲಿ ಮಹಿಳಾ ಶಕ್ತಿ ಹಾಗೂ ನಿಷ್ಠೆಯ ಸಂಕೇತವಾಗಿ ವಿಮ್ಲಾ ಸೂದ್ (Vimla Sood) ಹೆಸರು ಪ್ರಖ್ಯಾತವಾಗಿದೆ. 1933ರಲ್ಲಿ ಜನಿಸಿದ ವಿಮ್ಲಾ ಸೂದ್ ಅವರು ಭಾರತದ ಮೊದಲ ಮಹಿಳಾ ದಂತವೈದ್ಯೆ ಎಂಬ ಗೌರವವನ್ನು ಪಡೆದವರು. ಅವರು ತಮ್ಮ ಕಾಲದಲ್ಲಿ ಮಹಿಳೆಯರಿಗೆ ವೈದ್ಯಕೀಯ ಕ್ಷೇತ್ರದಲ್ಲಿ ಹೊಸ ದಾರಿ ತೆರೆದ ಪ್ರಮುಖ ವ್ಯಕ್ತಿ.
ವಿಮ್ಲಾ ಸೂದ್ ಅವರು ಭಾರತೀಯ ಮಹಿಳೆಯರಿಗೆ ವಿದ್ಯೆ, ತಂತ್ರಜ್ಞಾನ ಮತ್ತು ವೃತ್ತಿಜೀವನದಲ್ಲಿ ತಮ್ಮ ಸ್ಥಾನವನ್ನು ಸ್ಥಾಪಿಸಲು ಮಾದರಿ ಮೂಡಿಸಿದರು. ಅವರ ಬದುಕು, ಪರಿಶ್ರಮ ಮತ್ತು ಸಮಾಜ ಸೇವೆ ಇಂದಿನ ಯುವತಿಗೆ ಪ್ರೇರಣೆಯಾಗಿ ಮುಂದುವರಿದಿದೆ.
ವಿಮ್ಲಾ ಸೂದ್ ಅವರ ಸಾಧನೆಗಳು ಭಾರತೀಯ ದಂತವೈದ್ಯಕೀಯ ಕ್ಷೇತ್ರದಲ್ಲಿ ಮಹಿಳಾ ಸಶಕ್ತೀಕರಣದ ಸಂಕೇತವಾಗಿದೆ. ಅವರು ತಮ್ಮ ಜೀವನದ ಮೂಲಕ ಮಹಿಳೆಯರು ಯಾವುದೇ ಕ್ಷೇತ್ರದಲ್ಲಿ ಶ್ರೇಷ್ಠತೆ ಸಾಧಿಸಬಹುದು ಎಂಬುದನ್ನು ನಿರೂಪಿಸಿದ್ದಾರೆ. ಅವರ ಜೀವನ ಕಥೆ ನಮ್ಮೆಲ್ಲರಿಗೂ ಪ್ರೇರಣೆ
ಜೀವನ ಪರಿಚಯ
ವಿಮ್ಲಾ ಸೂದ್ 1922 ರಲ್ಲಿ ಜನಿಸಿದರು. ವೈದ್ಯರ ಕುಟುಂಬದಲ್ಲಿ ಬೆಳೆದ ಅವರು ಆರೋಗ್ಯ ಸೇವೆಯತ್ತ ಆಕರ್ಷಿತರಾಗಿದರು. ಲಾಹೋರ್ನ ಡೆಮಾಂಟ್ಮೋರೆನ್ಸಿ ಕಾಲೇಜ್ ಆಫ್ ಡೆಂಟಿಸ್ಟ್ರಿಯಲ್ಲಿ 30 ವಿದ್ಯಾರ್ಥಿಗಳಲ್ಲಿ ಏಕೈಕ ಮಹಿಳೆಯಾಗಿ ಅವರ ವಿದ್ಯಾಭ್ಯಾಸ ಆರಂಭವಾಯಿತು. 1944 ರಲ್ಲಿ ಪಂಜಾಬ್ ವಿಶ್ವವಿದ್ಯಾಲಯದಿಂದ ಪದವಿ ಪಡೆದರು.
ವಿದೇಶದಲ್ಲಿ ಅಧ್ಯಯನ
ಜ್ಞಾನವನ್ನು ವಿಸ್ತರಿಸಲು, ವಿಮ್ಲಾ ಸೂದ್ ನ್ಯೂಯಾರ್ಕ್ಗೆ ಹೋಗಿ ಇಂಟರ್ನ್ಶಿಪ್ ಮಾಡಿಕೊಂಡು ಅಮೆರಿಕಾದ ದಂತ ಚಿಕಿತ್ಸಾಲಯಗಳನ್ನು ಅಧ್ಯಯನ ಮಾಡಿದರು. 1955 ರಲ್ಲಿ ಮಿನ್ನೇಸೋಟ ವಿಶ್ವವಿದ್ಯಾಲಯದಿಂದ ಮಕ್ಕಳ ದಂತವೈದ್ಯಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿ ಪಡೆದರು.
ಸಮಾಜಸೇವೆ
ಸೌಲಭ್ಯವಂಚಿತ ಹಳ್ಳಿಗಳಲ್ಲಿ ಮೊಬೈಲ್ ವ್ಯಾನ್ ಮೂಲಕ ದಂತ ಸೇವೆ ಒದಗಿಸಿದರು. ಅವರ ಪ್ರಯತ್ನಗಳು ಅಗತ್ಯವಿರುವ ಜನರಿಗೆ ಆರೋಗ್ಯಕರ ಬಾಯಿಯ ಆರೈಕೆಯನ್ನು ನೀಡುವಲ್ಲಿ ಮಹತ್ವಪೂರ್ಣವಾಗಿದ್ದವು.
ಶೈಕ್ಷಣಿಕ ಕೊಡುಗೆ
ಜವಾಹರಲಾಲ್ ಇನ್ಸ್ಟಿಟ್ಯೂಟ್ ಆಫ್ ಪೋಸ್ಟ್ ಗ್ರಾಜುಯೇಟ್ ಮೆಡಿಕಲ್ ಎಜುಕೇಶನ್ ಅಂಡ್ ರಿಸರ್ಚ್ನಲ್ಲಿ ಬೋಧನೆ ಮತ್ತು ಮಾರ್ಗದರ್ಶನ ಮೂಲಕ ದಂತವೈದ್ಯಶಾಸ್ತ್ರದ ಭವಿಷ್ಯ ರೂಪಿಸಿದರು. 2016 ರಲ್ಲಿ ದಂತ ವೈದ್ಯಕೀಯ ವಿದ್ಯಾರ್ಥಿಗಳಿಗಾಗಿ ಆಯೋಜಿಸಿದ್ದ ವೈಟ್ ಕೋಟ್ ಸಮಾರಂಭವು ಅವರ ಬದ್ಧತೆಯನ್ನು ಸಂಕೇತಿಸುತ್ತದೆ.
ಪ್ರಶಸ್ತಿ ಮತ್ತು ಗೌರವ
ಭಾರತದ ದಂತ ಸಂಘ ಹಾಗೂ ಐಡಿಎ ಚಂಡೀಗಢ ಅವರು ಅವರನ್ನು ಹಿರಿಯ ಗೌರವಾನ್ವಿತ ಅಧ್ಯಾಪಕಿ ಎಂದು ಗುರುತಿಸಿದರು. ಭಾರತೀಯ ದಂತವೈದ್ಯ ಕ್ಷೇತ್ರದಲ್ಲಿ ಅವರ ಕೊಡುಗೆ ಶ್ರೇಷ್ಠ ಮಾದರಿಯಾಗಿದೆ.
ನಿಧನ :
ವಿಮ್ಲಾ ಸೂದ್ ಅವರು ಆಗಸ್ಟ್ 1, 2021 ರಂದು 99ನೇ ವಯಸ್ಸಿನಲ್ಲಿ ನಿಧನರಾದರು, ಪುರುಷಪ್ರಾಬಲ್ಯವಿರುವ ದಂತ ಕ್ಷೇತ್ರದಲ್ಲಿ ಮಹಿಳೆಯರಿಗೆ ಸ್ಪೂರ್ತಿ ನೀಡುವ ಪರಂಪರೆಯನ್ನು ಬಿಟ್ಟುಹೋಗಿದ್ದಾರೆ.
- Current Affairs Quiz : ಪ್ರಚಲಿತ ಘಟನೆಗಳ ಕ್ವಿಜ್ (27-10-2025 to 30-11-2025)
- ESIC Recruitment 2025 : 24 ಸೀನಿಯರ್ ರೆಸಿಡೆಂಟ್ ಹಾಗೂ ಫುಲ್ ಟೈಮ್/ಪಾರ್ಟ್ ಟೈಮ್ ಸ್ಪೆಷಲಿಸ್ಟ್ ಹುದ್ದೆಗಳಿಗೆ ವಾಕ್–ಇನ್
- BEML Recruitment 2025: 50 ಗ್ರೂಪ್ A, B & C ಹುದ್ದೆಗಳ ಭರ್ತಿ
- ರೈಲು ಚಕ್ರ ಕಾರ್ಖಾನೆ (Rail Wheel Factory) ಟೆಕ್ನಿಷಿಯನ್ ನೇಮಕಾತಿ 2025
- SSC Recruitment : 25,487 ಕಾನ್ಸ್ಟೇಬಲ್, ರೈಫಲ್ಮ್ಯಾನ್ ಹುದ್ದೆಗಳಿಗೆ ಅರ್ಜಿ ಆಹ್ವಾನ
