ಭಾರತೀಯ ಮೂಲದ ಶ್ರೀಮಂತರ ಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿದ ಜಯಶ್ರೀ ಉಳ್ಳಾಲ್ (Jayshree Ullal)

ಜಯಶ್ರೀ ಉಲ್ಲಾಳ್ ಯಾರು..?

ಆರಂಭಿಕ ಜೀವನ ಮತ್ತು ಶಿಕ್ಷಣ :
ಜಯಶ್ರೀ ಉಳ್ಳಾಲ್ ಅವರು ಮಾರ್ಚ್ 27, 1961 ರಂದು ಲಂಡನ್‌ನಲ್ಲಿ ಭಾರತೀಯ ಮೂಲದ ಹಿಂದೂ ಕುಟುಂಬದಲ್ಲಿ ಜನಿಸಿದರು. ಅವರು ಅಮೆರಿಕದ ಪೌರತ್ವ ಹೊಂದಿದ್ದಾರೆ. ಇವರ ತಂದೆತಾಯಿ ಮೂಲತಃ ಭಾರತದವರಾಗಿದ್ದಾರೆ. ಮಂಗಳೂರಿನ ಜಿಎಸ್‌ಬಿ ಸ್ಮಾರ್ತ ಚಿತ್ರಾಪುರ ಸಾರಸ್ವತ ಬ್ರಾಹ್ಮಣ ಸಮುದಾಯಕ್ಕೆ ಸೇರಿದ ಜಯಶ್ರೀ ಉಳ್ಳಾಲ್, ಭಾರತೀಯ ಮೂಲದ ಅತ್ಯಂತ ಗೌರವಾನ್ವಿತ ಜಾಗತಿಕ ಉದ್ಯಮ ನಾಯಕರಲ್ಲಿ ಒಬ್ಬರಾಗಿ ಗುರುತಿಸಿಕೊಂಡಿದ್ದಾರೆ.

ದೆಹಲಿಯಲ್ಲಿ ಪ್ರಾಥಮಕಿ ವಿದ್ಯಾಭ್ಯಾಸ :
ದೆಹಲಿಯಲ್ಲಿ ಜಯಶ್ರಿ ಉಲ್ಲಾಳ್ ಪ್ರಾಥಮಿಕ ವಿದ್ಯಾಭ್ಯಾಸ ಪೂರೈಸಿದ್ದಾರೆ. ಬಳಿಕ ಅಮೆರಿಕದಲ್ಲಿ ವಿದ್ಯಾಭ್ಯಾಸ ಮುಂದುವರಿಸಿದ್ದಾರೆ ಕಂಪ್ಯೂಟರ್ ಸೈನ್ಸ್, ಎಲೆಕ್ಟ್ರಿಕಲ್ ಎಂಜಿನೀಯರಿಂಗ್, ಮಾಸ್ಟರ್ ಆಫ್ ಸೈನ್ಸ್ ಇನ್ ಎಂಜಿನೀಯರಿಂಗ್ ಪದವಿ ಪಡೆದಿದ್ದಾರೆ. ಅಮೆರಿಕದಲ್ಲೇ ವೃತ್ತಿ ಆರಂಭಿಸಿದ್ದರು.

ಜಯಶ್ರೀ ಉಳ್ಳಾಲ್ ಅವರು ಐದು ವರ್ಷಗಳ ಹಿಂದೆ ಸಾರ್ವಜನಿಕವಾಗಿ ನೋಂದಣಿಯಾದ ಕ್ಲೌಡ್ ಕಂಪ್ಯೂಟಿಂಗ್ ಕಂಪನಿ ‘ಸ್ನೋಫ್ಲೇಕ್’ನ ನಿರ್ದೇಶಕ ಮಂಡಳಿಯಲ್ಲೂ ಸೇವೆ ಸಲ್ಲಿಸುತ್ತಿದ್ದಾರೆ. ಅವರು ಅರಿಸ್ಟಾ ನೆಟ್‌ವರ್ಕ್ಸ್‌ನ ಸುಮಾರು ಶೇ. 3ರಷ್ಟು ಷೇರುಗಳನ್ನು ಹೊಂದಿದ್ದು, ಅದರಲ್ಲಿ ಕೆಲವು ಅವರ ಇಬ್ಬರು ಪುತ್ರಿಯರು, ಸೊಸೆ ಮತ್ತು ಸೋದರಳಿಯನ ಹೆಸರಿನಲ್ಲಿವೆ. ಈ ಹಿಂದೆ ಅವರು ಸಿಸ್ಕೋ ಸಿಸ್ಟಮ್ಸ್, ಅಡ್ವಾನ್ಸ್ಡ್ ಮೈಕ್ರೋ ಡಿವೈಸಸ್ (AMD) ಮತ್ತು ಫೇರ್‌ಚೈಲ್ಡ್ ಸೆಮಿಕಂಡಕ್ಟರ್‌ನಂತಹ ಪ್ರತಿಷ್ಠಿತ ಕಂಪನಿಗಳಲ್ಲಿ ಕೆಲಸ ಮಾಡಿದ ಅನುಭವ ಹೊಂದಿದ್ದಾರೆ.

ಐದನೇ ವಯಸ್ಸಿನಲ್ಲಿ, ಅವರು ಭಾರತಕ್ಕೆ ತೆರಳಿದರು, ಅಲ್ಲಿ ಅವರ ತಂದೆ ಭೌತಶಾಸ್ತ್ರಜ್ಞರಾಗಿದ್ದರು, ಅವರು ಭಾರತದ ಶಿಕ್ಷಣ ಸಚಿವಾಲಯದಲ್ಲಿ ಕೆಲಸ ಮಾಡಿದರು ಮತ್ತು ಭಾರತೀಯ ತಂತ್ರಜ್ಞಾನ ಸಂಸ್ಥೆಗಳ (ಐಐಟಿ) ರಚನೆಗೆ ಕೊಡುಗೆ ನೀಡಿದರು.

ಅವರು ಸ್ಯಾನ್ ಫ್ರಾನ್ಸಿಸ್ಕೋಗೆ ಸ್ಥಳಾಂತರಗೊಳ್ಳುವ ಮೊದಲು ನವದೆಹಲಿಯ ಜೀಸಸ್ ಮತ್ತು ಮೇರಿ ಕಾನ್ವೆಂಟ್‌ನಲ್ಲಿ ಅಧ್ಯಯನ ಮಾಡಿದರು.

ಅವರ ಶೈಕ್ಷಣಿಕ ಅರ್ಹತೆಗಳು :

ಬಿ.ಎಸ್ಸಿ. ಎಲೆಕ್ಟ್ರಿಕಲ್ ಮತ್ತು ಎಲೆಕ್ಟ್ರಾನಿಕ್ಸ್ ಎಂಜಿನಿಯರಿಂಗ್ – ಸ್ಯಾನ್ ಫ್ರಾನ್ಸಿಸ್ಕೋ ರಾಜ್ಯ ವಿಶ್ವವಿದ್ಯಾಲಯ
ಎಂಜಿನಿಯರಿಂಗ್ ನಿರ್ವಹಣೆಯಲ್ಲಿ ಎಂಎಸ್ (1986) – ಸಾಂತಾ ಕ್ಲಾರಾ ವಿಶ್ವವಿದ್ಯಾಲಯ
ಎಂಜಿನಿಯರಿಂಗ್‌ನಲ್ಲಿ ಗೌರವ ಡಾಕ್ಟರೇಟ್ (2025)

ಭಾರತೀಯ ಮೂಲದ ಶ್ರೀಮಂತರ ಆಸ್ತಿ

ಜಯಶ್ರಿ ಉಲ್ಲಾಸ್ 5.7 ಬಿಲಿಯನ್ ಅಮೆರಿಕನ್ ಡಾಲರ್
ಸುಂದರ್ ಪಿಚೈ 1.5 ಬಿಲಿಯನ್ ಅಮೆರಿಕನ್ ಡಾಲರ್
ಸತ್ಯ ನಾಡೆಲ್ಲಾ 1.1 ಬಿಲಿಯನ್ ಅಮೆರಿಕನ್ ಡಾಲರ್

ಪಟ್ಟಿಯಲ್ಲಿರುವ ಇತರ ಪ್ರಮುಖರು:

2ನೇ ಸ್ಥಾನ- ರಾಧಾ ವೆಂಬು
46,580 ಕೋಟಿ ರೂ. ನಿವ್ವಳ ಸಂಪತ್ತಿನೊಂದಿಗೆ ಝೋಹೋ ಕಾರ್ಪ್‌ನ ರಾಧಾ ವೆಂಬು ಎರಡನೇ ಸ್ಥಾನದಲ್ಲಿದ್ದಾರೆ. ತಮ್ಮ ಸಹೋದರ ಶ್ರೀಧರ್ ವೆಂಬು ಸಹ-ಸ್ಥಾಪಿಸಿದ ಜಾಗತಿಕ SaaS ಕಂಪನಿ ಝೋಹೋದಲ್ಲಿ ಅವರು ಬಹುಪಾಲು ಷೇರುಗಳನ್ನು ಹೊಂದಿದ್ದಾರೆ. ಅವರು ಐಐಟಿ ಮದ್ರಾಸ್‌ನಿಂದ ಕೈಗಾರಿಕಾ ನಿರ್ವಹಣೆಯಲ್ಲಿ ಪದವಿ ಪಡೆದಿದ್ದಾರೆ.

3ನೇ ಸ್ಥಾನ- ಫಲ್ಗುಣಿ ನಾಯರ್
ಸೌಂದರ್ಯ ಮತ್ತು ಜೀವನಶೈಲಿ ಉತ್ಪನ್ನಗಳ ದೈತ್ಯ ‘ನೈಕಾ’ (Nykaa) ಸಂಸ್ಥಾಪಕಿ ಫಲ್ಗುಣಿ ನಾಯರ್ 39,810 ಕೋಟಿ ರೂ. ಸಂಪತ್ತಿನೊಂದಿಗೆ ಮೂರನೇ ಸ್ಥಾನದಲ್ಲಿದ್ದಾರೆ. ಹೂಡಿಕೆ ಬ್ಯಾಂಕರ್ ವೃತ್ತಿಯನ್ನು ತೊರೆದು 2012ರಲ್ಲಿ ನೈಕಾವನ್ನು ಆರಂಭಿಸಿದ ಅವರು, ಇಂದು ದೇಶಾದ್ಯಂತ ಸುಮಾರು 200 ಮಳಿಗೆಗಳನ್ನು ನಿರ್ವಹಿಸುತ್ತಿದ್ದಾರೆ.

4ನೇ ಸ್ಥಾನ ಕಿರಣ್ ಮಜುಂದಾರ್-ಶಾ
ಬಯೋಕಾನ್ ಸಂಸ್ಥಾಪಕಿ ಕಿರಣ್ ಮಜುಂದಾರ್-ಶಾ 29,330 ಕೋಟಿ ರೂ. ಸಂಪತ್ತಿನೊಂದಿಗೆ ನಾಲ್ಕನೇ ಸ್ಥಾನ ಪಡೆದಿದ್ದಾರೆ. ಭಾರತದ ಜೈವಿಕ ತಂತ್ರಜ್ಞಾನ ಕ್ಷೇತ್ರದ ಪ್ರವರ್ತಕರಾದ ಅವರು, 1978ರಲ್ಲಿ ಸಣ್ಣ ಗ್ಯಾರೇಜ್‌ನಲ್ಲಿ ತಮ್ಮ ಉದ್ಯಮ ಪಯಣವನ್ನು ಆರಂಭಿಸಿ, ಇಂದು ಬಯೋಕಾನ್ ಲಿಮಿಟೆಡ್ ಮತ್ತು ಬಯೋಕಾನ್ ಬಯೋಲಾಜಿಕ್ಸ್‌ನ ಮುಖ್ಯಸ್ಥರಾಗಿದ್ದಾರೆ.