Hurun’s global rich list 2026 : ಭಾರತದ ಶ್ರೀಮಂತರ ಪಟ್ಟಿಯ ಆಗ್ರಾ ಸ್ಥಾನದಲ್ಲಿ ಮುಖೇಶ್ ಅಂಬಾನಿ
ನವದೆಹಲಿ: ಇಂಧನ, ತಂತ್ರಜ್ಞಾನ, ರಿಯಲ್ ಎಸ್ಟೇಟ್ ಸೇರಿದಂತೆ ವಿವಿಧ ಕ್ಷೇತ್ರಗಳ ಪ್ರಮುಖ ಉದ್ಯಮಿಗಳ ಸಂಪತ್ತಿನ ಆಧಾರದ ಮೇಲೆ ಪ್ರಕಟವಾಗುವ ಹುರುನ್ ಗ್ಲೋಬಲ್ ರಿಚ್ ಲಿಸ್ಟ್ 2026 ನಲ್ಲಿ ಭಾರತದ ಶ್ರೀಮಂತರ ಪಟ್ಟಿಯೂ ಬಹಿರಂಗವಾಗಿದೆ. ಈ ಪಟ್ಟಿಯಲ್ಲಿ Mukesh Ambani ಮತ್ತೊಮ್ಮೆ ಭಾರತದ ಅತ್ಯಂತ ಶ್ರೀಮಂತ ವ್ಯಕ್ತಿಯಾಗಿ ಮೊದಲ ಸ್ಥಾನವನ್ನು ಕಾಯ್ದುಕೊಂಡಿದ್ದಾರೆ.
ವರದಿ ಪ್ರಕಾರ, ಭಾರತದಲ್ಲಿ ಒಟ್ಟು 308 ಶತಕೋಟ್ಯಾಧಿಪತಿಗಳು ಇದ್ದು, ಈ ಸಂಖ್ಯೆಯೊಂದಿಗೆ ಭಾರತವು ಚೀನಾ ಮತ್ತು ಅಮೆರಿಕದ ನಂತರ ಜಾಗತಿಕವಾಗಿ ಮೂರನೇ ಸ್ಥಾನ ಪಡೆದಿದೆ. ಜಾಗತಿಕ ಮಟ್ಟದಲ್ಲಿ ಮೊದಲ ಬಾರಿಗೆ ಶತಕೋಟ್ಯಾಧಿಪತಿಗಳ ಸಂಖ್ಯೆ 4,000 ಗಡಿ ದಾಟಿ 4,020ಕ್ಕೆ ಏರಿಕೆಯಾಗಿದೆ. ಇದು ಕಳೆದ ವರ್ಷಕ್ಕಿಂತ 578 ಜನರ ಹೆಚ್ಚಳವಾಗಿದೆ.
ಈ ಮೂಲಕ ವಿಶ್ವದಲ್ಲೇ ಶತಕೋಟ್ಯಾಧಿಪತಿಗಳ ಸಂಖ್ಯೆಯಲ್ಲಿ ಭಾರತ ಮೂರನೇ ದೊಡ್ಡ ದೇಶ ಎಂಬ ಸ್ಥಾನವನ್ನು ಮತ್ತೊಮ್ಮೆ ಬಲಪಡಿಸಿದೆ. ದೇಶದ ಶ್ರೀಮಂತರ ಒಟ್ಟು ಸಂಪತ್ತು 112.6 ಲಕ್ಷ ಕೋಟಿ ರೂ.ಗೆ ಏರಿಕೆಯಾಗಿದ್ದು, ಕಳೆದ ವರ್ಷಕ್ಕಿಂತ ಸುಮಾರು 10% ಹೆಚ್ಚಳ ಕಂಡಿದೆ.
ವರದಿ ಪ್ರಕಾರ, ಭಾರತದ ಶ್ರೀಮಂತರ ಸರಾಸರಿ ವಯಸ್ಸು 67 ವರ್ಷವಾಗಿದ್ದು, ಜಾಗತಿಕ ಮಟ್ಟದಲ್ಲಿ ವ್ಯವಹಾರ ವಿಸ್ತರಣೆ ಮಾಡುವತ್ತ ಹೆಚ್ಚಿನ ಗಮನ ಹರಿಸುತ್ತಿದ್ದಾರೆ.
ದೇಶವಾರು ಶತಕೋಟ್ಯಾಧಿಪತಿಗಳ ಸಂಖ್ಯೆಯಲ್ಲಿ China 1,110 ಜನರೊಂದಿಗೆ ಮೊದಲ ಸ್ಥಾನ, United States 1,000 ಜನರೊಂದಿಗೆ ಎರಡನೇ ಸ್ಥಾನ ಪಡೆದಿವೆ. ಭಾರತವು 308 ಶತಕೋಟ್ಯಾಧಿಪತಿಗಳೊಂದಿಗೆ ಮೂರನೇ ಸ್ಥಾನದಲ್ಲಿದ್ದು, Germany, United Kingdom ಮತ್ತು Switzerland ದೇಶಗಳನ್ನು ಹಿಂದಿಕ್ಕಿದೆ.
Mukesh Ambani ಮತ್ತು ಅವರ ಕುಟುಂಬದ ಒಟ್ಟು ಸಂಪತ್ತು 9.8 ಲಕ್ಷ ಕೋಟಿ ರೂ. ಆಗಿದ್ದು, ಕಳೆದ ವರ್ಷಕ್ಕಿಂತ ಸುಮಾರು 9 ಶೇಕಡಾ ಹೆಚ್ಚಳವಾಗಿದೆ. ಈ ಮೂಲಕ ಅವರು ಏಷ್ಯಾದ ಅತ್ಯಂತ ಶ್ರೀಮಂತ ವ್ಯಕ್ತಿ ಎಂಬ ಸ್ಥಾನವನ್ನೂ ಉಳಿಸಿಕೊಂಡಿದ್ದಾರೆ. ಇತ್ತ Gautam Adani ಅವರ ಸಂಪತ್ತಿನಲ್ಲಿ 14 ಶೇಕಡಾ ಕುಸಿತ ಕಂಡಿದ್ದರೂ 7.5 ಲಕ್ಷ ಕೋಟಿ ರೂ. ನಿವ್ವಳ ಸಂಪತ್ತಿನೊಂದಿಗೆ ಅವರು ಎರಡನೇ ಶ್ರೀಮಂತ ಭಾರತೀಯರಾಗಿದ್ದಾರೆ.
2026ರ ಟಾಪ್-10 ಶ್ರೀಮಂತ ಭಾರತೀಯರು
Mukesh Ambani ಮತ್ತು ಕುಟುಂಬ – 9.8 ಲಕ್ಷ ಕೋಟಿ ರೂ.
Gautam Adani ಮತ್ತು ಕುಟುಂಬ – 7.5 ಲಕ್ಷ ಕೋಟಿ ರೂ.
Roshni Nadar Malhotra ಮತ್ತು ಕುಟುಂಬ – 3.2 ಲಕ್ಷ ಕೋಟಿ ರೂ.
Cyrus S. Poonawalla ಮತ್ತು ಕುಟುಂಬ – 3.0 ಲಕ್ಷ ಕೋಟಿ ರೂ.
Kumar Mangalam Birla ಮತ್ತು ಕುಟುಂಬ – 2.5 ಲಕ್ಷ ಕೋಟಿ ರೂ.
Dilip Shanghvi ಮತ್ತು ಕುಟುಂಬ – 2.3 ಲಕ್ಷ ಕೋಟಿ ರೂ.
Azim Premji ಮತ್ತು ಕುಟುಂಬ – 2.3 ಲಕ್ಷ ಕೋಟಿ ರೂ.
Neeraj Bajaj ಮತ್ತು ಕುಟುಂಬ – 2.2 ಲಕ್ಷ ಕೋಟಿ ರೂ.
Ashok P. Hinduja ಮತ್ತು ಕುಟುಂಬ – 2.2 ಲಕ್ಷ ಕೋಟಿ ರೂ.
Radhakishan Damani ಮತ್ತು ಕುಟುಂಬ – 1.5 ಲಕ್ಷ ಕೋಟಿ ರೂ.
ಒಟ್ಟಾರೆ, ಭಾರತದ ಉದ್ಯಮಿಗಳು ಜಾಗತಿಕ ಆರ್ಥಿಕತೆಯಲ್ಲಿ ತಮ್ಮ ಪ್ರಭಾವವನ್ನು ಹೆಚ್ಚಿಸುತ್ತಿದ್ದು, ಶ್ರೀಮಂತರ ಸಂಖ್ಯೆಯಲ್ಲೂ ಭಾರತ ನಿರಂತರವಾಗಿ ಮುಂದಿನ ಸ್ಥಾನಗಳನ್ನು ಪಡೆಯುತ್ತಿದೆ.
ಈ ವರ್ಷದ ದೊಡ್ಡ ಸಂಪತ್ತು ಸೃಷ್ಟಿಸಿದವರು
ಈ ವರ್ಷದಲ್ಲಿ ಅತಿ ಹೆಚ್ಚು ಸಂಪತ್ತು ಹೆಚ್ಚಿಸಿಕೊಂಡ ಉದ್ಯಮಿ ಸೈರಸ್ ಎಸ್. ಪೂನಾವಾಲಾ. ಅವರ ಸಂಪತ್ತು ಸುಮಾರು 0.91 ಲಕ್ಷ ಕೋಟಿ ರೂ. ಹೆಚ್ಚಳ ಕಂಡಿದ್ದು, ಒಟ್ಟು 44% ಏರಿಕೆ ದಾಖಲಾಗಿದೆ.
ಸಂಪತ್ತಿನ ಬೆಳವಣಿಗೆಗೆ ಕಾರಣವಾದ ಕ್ಷೇತ್ರಗಳು
ವರದಿ ಪ್ರಕಾರ, ಭಾರತದಲ್ಲಿ ಆಟೋಮೊಬೈಲ್ ಮತ್ತು ಆಟೋ ಕಾಂಪೊನೆಂಟ್ ಕ್ಷೇತ್ರ ದೊಡ್ಡ ಮಟ್ಟದಲ್ಲಿ ಬೆಳವಣಿಗೆ ಕಂಡಿದ್ದು, ಈ ಕ್ಷೇತ್ರದ ಉದ್ಯಮಿಗಳ ಸಂಪತ್ತು ಸರಾಸರಿ 22% ಹೆಚ್ಚಳ ಕಂಡಿದೆ.
ಹಾಗೆಯೇ ಐಟಿ, ಔಷಧಿ, ಮೂಲಸೌಕರ್ಯ ಮತ್ತು ರಿಟೇಲ್ ಕ್ಷೇತ್ರಗಳೂ ಭಾರತೀಯ ಆರ್ಥಿಕತೆಯಲ್ಲಿ ಪ್ರಮುಖ ಪಾತ್ರವಹಿಸುತ್ತಿವೆ. ಒಟ್ಟಿನಲ್ಲಿ, ಕಳೆದ ಹತ್ತು ವರ್ಷಗಳಲ್ಲಿ ಪಟ್ಟಿಗೆ ಸೇರಿದ ಶ್ರೀಮಂತರಲ್ಲಿ 80% ಹೊಸವರು ಇದ್ದಾರೆ ಎಂಬುದು ಭಾರತದ ಸಂಪತ್ತು ಸೃಷ್ಟಿ ವೇಗವಾಗಿ ಬದಲಾಗುತ್ತಿದೆ ಎಂಬುದಕ್ಕೆ ಉದಾಹರಣೆಯಾಗಿದೆ.
