NABARD Recruitment : ನಾಬಾರ್ಡ್ ಯುವ ವೃತ್ತಿಪರ ನೇಮಕಾತಿ : 44 ಹುದ್ದೆಗಳಿಗೆ ಅರ್ಜಿ ಆಹ್ವಾನ
NABARD Recruitment : ರಾಷ್ಟ್ರೀಯ ಕೃಷಿ ಮತ್ತು ಗ್ರಾಮೀಣ ಅಭಿವೃದ್ಧಿ ಬ್ಯಾಂಕ್ (NABARD) 2026ನೇ ಸಾಲಿನ ಯುವ ವೃತ್ತಿಪರ (Young Professional) ಹುದ್ದೆಗಳ ನೇಮಕಾತಿಗೆ ಅಧಿಕೃತ ಅಧಿಸೂಚನೆ ಬಿಡುಗಡೆ ಮಾಡಿದೆ. ಒಟ್ಟು 44 ಯುವ ವೃತ್ತಿಪರ ಹುದ್ದೆಗಳಿಗೆ ಅರ್ಹ ಅಭ್ಯರ್ಥಿಗಳಿಂದ ಆನ್ಲೈನ್ ಮೂಲಕ ಅರ್ಜಿ ಆಹ್ವಾನಿಸಲಾಗಿದೆ. ಅರ್ಜಿ ಪ್ರಕ್ರಿಯೆ ಡಿಸೆಂಬರ್ 26, 2025ರಿಂದ ಆರಂಭಗೊಂಡಿದ್ದು, ಜನವರಿ 12, 2026 ಕೊನೆಯ ದಿನಾಂಕವಾಗಿದೆ.ಅರ್ಹ ಅಭ್ಯರ್ಥಿಗಳು ನಾಬಾರ್ಡ್ ಅಧಿಕೃತ ವೆಬ್ಸೈಟ್ www.nabard.org ಮೂಲಕ ಅರ್ಜಿ ಸಲ್ಲಿಸಬಹುದು.
ನೇಮಕಾತಿ ವಿವರಗಳು :
ಸಂಸ್ಥೆ ಹೆಸರು: ರಾಷ್ಟ್ರೀಯ ಕೃಷಿ ಮತ್ತು ಗ್ರಾಮೀಣ ಅಭಿವೃದ್ಧಿ ಬ್ಯಾಂಕ್ (NABARD)
ಹುದ್ದೆ ಹೆಸರು: ಯುವ ವೃತ್ತಿಪರ (Young Professional) – 14 ವಿಭಾಗಗಳು
ಒಟ್ಟು ಹುದ್ದೆಗಳು: 44
ವೇತನ/ಸ್ಟೈಪೆಂಡ್: ತಿಂಗಳಿಗೆ ₹70,000 (ಎಲ್ಲವೂ ಒಳಗೊಂಡಂತೆ)
ಅರ್ಹತೆ: ಪದವಿ / ಸ್ನಾತಕೋತ್ತರ ಪದವಿ (ವಿಭಾಗಾನುಸಾರ)
ವಯೋಮಿತಿ: 21 ರಿಂದ 30 ವರ್ಷ
ಅರ್ಜಿ ಆರಂಭ ದಿನಾಂಕ: 26 ಡಿಸೆಂಬರ್ 2025
ಅರ್ಜಿ ಕೊನೆ ದಿನಾಂಕ: 12 ಜನವರಿ 2026
ವಿಭಾಗವಾರು ಹುದ್ದೆಗಳ ವಿವರ
ಹವಾಮಾನ ಕ್ರಿಯೆ ಮತ್ತು ಸ್ಥಿರತೆ, ಅರ್ಥಶಾಸ್ತ್ರ, ಡೇಟಾ ಸೈನ್ಸ್, ಸೈಬರ್ ಸೆಕ್ಯುರಿಟಿ, ಅಕಾಡೆಮಿಕ್ ಆಡಳಿತ, ಗ್ರಾಫಿಕ್ ಡಿಸೈನಿಂಗ್, ಪಿಆರ್ ಮತ್ತು ಔಟ್ರೀಚ್, ಮಾಹಿತಿ ತಂತ್ರಜ್ಞಾನ, ಜಿಯೋಇನ್ಫರ್ಮಾಟಿಕ್ಸ್, ಡೆವಲಪ್ಮೆಂಟ್ ಮ್ಯಾನೇಜ್ಮೆಂಟ್, ಪ್ರಾಜೆಕ್ಟ್ ಮಾನಿಟರಿಂಗ್, ಫೈನಾನ್ಸ್, UI/UX ಡಿಸೈನಿಂಗ್ ಹಾಗೂ ಸಾಫ್ಟ್ವೇರ್ ಟೆಸ್ಟಿಂಗ್ ಸೇರಿದಂತೆ 14 ವಿಭಾಗಗಳಲ್ಲಿ ಹುದ್ದೆಗಳು ಲಭ್ಯವಿವೆ. ಈ ಹುದ್ದೆಗಳು ಮುಂಬೈ, ಲಕ್ನೋ, ಶಿಮ್ಲಾ, ರಾಂಚಿ, ದೆಹ್ರಾಡೂನ್, ಮಂಗಳೂರು, ಗುವಾಹಟಿ, ಐಜ್ವಾಲ್, ಕೊಲ್ಕತ್ತಾ, ನವದೆಹಲಿ, ಚೆನ್ನೈ ಮತ್ತು ಚಂಡೀಗಢ ಸೇರಿದಂತೆ ವಿವಿಧ ನಗರಗಳಲ್ಲಿ ನಿಯೋಜನೆಯಾಗಲಿವೆ.
ಅರ್ಹತಾ ಮಾನದಂಡ
ಪ್ರತಿ ವಿಭಾಗಕ್ಕೆ ಸಂಬಂಧಿಸಿದಂತೆ ಪದವಿ ಅಥವಾ ಸ್ನಾತಕೋತ್ತರ ಪದವಿ ಹೊಂದಿರಬೇಕು. ಹೆಚ್ಚಿನ ಹುದ್ದೆಗಳಿಗೆ ಕನಿಷ್ಠ 1 ವರ್ಷದ ಸಂಬಂಧಿತ ಅನುಭವ ಕಡ್ಡಾಯವಾಗಿದೆ. ಶೈಕ್ಷಣಿಕ ಅರ್ಹತೆಯಲ್ಲಿ ಪದವಿಗೆ ಕನಿಷ್ಠ 60% ಮತ್ತು ಸ್ನಾತಕೋತ್ತರ ಪದವಿಗೆ ಕನಿಷ್ಠ 55% ಅಂಕಗಳು ಅಗತ್ಯವಿರುತ್ತವೆ (ವಿಭಾಗಾನುಸಾರ).
ವಯೋಮಿತಿ
ಕನಿಷ್ಠ ವಯಸ್ಸು: 21 ವರ್ಷ
ಗರಿಷ್ಠ ವಯಸ್ಸು: 30 ವರ್ಷ
ಅಭ್ಯರ್ಥಿಗಳು 01-11-1995 ನಂತರ ಮತ್ತು 01-11-2004 ಮುಂಚಿತವಾಗಿ ಜನಿಸಿದ್ದಿರಬೇಕು
ಅರ್ಜಿ ಶುಲ್ಕ
ಅರ್ಜಿ ಶುಲ್ಕ: ₹150/- (GST ಹೊರತುಪಡಿಸಿ)
ಶುಲ್ಕವನ್ನು ಆನ್ಲೈನ್ ಮೂಲಕ ಮಾತ್ರ ಪಾವತಿಸಬೇಕು
ಒಮ್ಮೆ ಪಾವತಿಸಿದ ಶುಲ್ಕವನ್ನು ಯಾವುದೇ ಕಾರಣಕ್ಕೂ ಮರುಪಾವತಿ ಮಾಡಲಾಗುವುದಿಲ್ಲ.
ಪ್ರಮುಖ ದಿನಾಂಕಗಳು
ಅಧಿಸೂಚನೆ ಪ್ರಕಟಣೆ: 26 ಡಿಸೆಂಬರ್ 2025
ಆನ್ಲೈನ್ ಅರ್ಜಿ ಆರಂಭ: 26 ಡಿಸೆಂಬರ್ 2025
ಅರ್ಜಿ ಕೊನೆ ದಿನಾಂಕ: 12 ಜನವರಿ 2026
ಅರ್ಹತೆ ಮತ್ತು ಅನುಭವ ಪರಿಗಣನೆ ದಿನಾಂಕ: 01-11-2025
ಅರ್ಜಿ ಸಲ್ಲಿಸುವ ವಿಧಾನ
ಅರ್ಹ ಮತ್ತು ಆಸಕ್ತ ಅಭ್ಯರ್ಥಿಗಳು ನಾಬಾರ್ಡ್ ಅಧಿಕೃತ ವೆಬ್ಸೈಟ್ಗೆ ಭೇಟಿ ನೀಡಿ, ಆನ್ಲೈನ್ ಅರ್ಜಿ ಭರ್ತಿ ಮಾಡಿ ಅಗತ್ಯ ದಾಖಲೆಗಳನ್ನು ಅಪ್ಲೋಡ್ ಮಾಡಿ ಶುಲ್ಕ ಪಾವತಿಸಬೇಕು.
ಅಧಿಸೂಚನೆ : CLICK HERE
✶ Read this also : Current Recruitments : ಪ್ರಸ್ತುತ ನೇಮಕಾತಿಗಳು
- ಇಂದಿನ ಪ್ರಚಲಿತ ವಿದ್ಯಮಾನಗಳು / 30-10-2025 (Today’s Current Affairs)
- Rajyotsava Award 2025 : 2025-26ನೇ ಸಾಲಿನ ರಾಜ್ಯೋತ್ಸವ ಪ್ರಶಸ್ತಿ ಪ್ರಕಟ
- ಸರ್ದಾರ್ ವಲ್ಲಭಭಾಯಿ ಪಟೇಲ್ (Sardar Vallabhbhai Patel) ಅವರ ಕುರಿತ ಕ್ವಿಜ್
- ‘ರಫೇಲ್ ಯುದ್ಧ ವಿಮಾನದಲ್ಲಿ ಹಾರಾಟ ನಡೆಸಿ ರಾಷ್ಟ್ರಪತಿ ದ್ರೌಪದಿ ಮುರ್ಮು (Droupadi Murmu) ದಾಖಲೆ
- ಅಕ್ಟೋಬರ್ ತಿಂಗಳ ಪ್ರಮುಖ ದಿನಗಳು / Important days in October
