ಹೊಸ ವರ್ಷವನ್ನು ಮೊದಲು ಮತ್ತು ಕೊನೆಯಲ್ಲಿ ಆಚರಿಸುವವ ದೇಶಗಳು ಯಾವುವು..? (New Year Celebration Around the World)

January 1, 2026 spardhatimes

Share With Friends

New Year Around the World :ಭೂಮಿಯ ನಿರಂತರವಾಗಿ ಸುತ್ತುತ್ತಿರುವುದರಿಂದ ಹಾಗೂ ಅಂತರರಾಷ್ಟ್ರೀಯ ದಿನಾಂಕ ರೇಖೆ (IDL-International Date Line) ಕಾರಣದಿಂದ ವಿಶ್ವದ ವಿವಿಧ ದೇಶಗಳು ಹೊಸ ವರ್ಷವನ್ನು ವಿಭಿನ್ನ ಸಮಯಗಳಲ್ಲಿ ಆಚರಿಸುತ್ತವೆ. ಈ ಕಾರಣದಿಂದ ಹೊಸ ವರ್ಷದ ಸಂಭ್ರಮವು ಜಗತ್ತಿನಾದ್ಯಂತ ಸುಮಾರು 25 ಗಂಟೆಗಳ ಕಾಲ ಕ್ರಮವಾಗಿ ನಡೆಯುತ್ತದೆ.

ಪೆಸಿಫಿಕ್ ಮಹಾಸಾಗರದಲ್ಲಿರುವ ಅಂತರರಾಷ್ಟ್ರೀಯ ದಿನಾಂಕ ರೇಖೆ ಹೊಸ ದಿನ ಆರಂಭವಾಗುವ ಮತ್ತು ಮುಗಿಯುವ ಗಡಿಯನ್ನು ಸೂಚಿಸುತ್ತದೆ. ಭೂಮಿ 24 ಗಂಟೆಗಳಲ್ಲಿ ಒಂದು ಬಾರಿ ತಿರುಗುತ್ತಿದ್ದು, ವಿವಿಧ ದೇಶಗಳು ತಮ್ಮ ಸಮಯ ವಲಯಗಳನ್ನು ಆಯ್ಕೆ ಮಾಡಿಕೊಂಡಿರುವುದರಿಂದ ಹೊಸ ವರ್ಷ ಸ್ವಾಗತಿಸುವ ಸಮಯದಲ್ಲಿ ವ್ಯತ್ಯಾಸ ಉಂಟಾಗುತ್ತದೆ.

ಮೊದಲಾಗಿ ಹೊಸ ವರ್ಷ ಆಚರಿಸುವ ದೇಶ ಯಾವುದು..?

ವಿಶ್ವದಲ್ಲಿ ಮೊದಲಾಗಿ ಹೊಸ ವರ್ಷವನ್ನು ಸ್ವಾಗತಿಸುವ ವಾಸಸ್ಥಳ ಕಿರಿಟಿಮಾಟಿ ದ್ವೀಪ (ಕ್ರಿಸ್‌ಮಸ್ ಐಲ್ಯಾಂಡ್/Kiritimati Island), ಇದು ಕಿರಿಬಾಟಿ ಗಣರಾಜ್ಯ(Republic of Kiribati)ದ ಭಾಗವಾಗಿದೆ. 1995ರಲ್ಲಿ ಕಿರಿಬಾಟಿ ಸರ್ಕಾರ ದಿನಾಂಕ ರೇಖೆಯನ್ನು ಪೂರ್ವದತ್ತ ಸ್ಥಳಾಂತರಿಸಿದ್ದರಿಂದ, ಈ ದೇಶವು ಹೊಸ ವರ್ಷವನ್ನು ಮೊದಲಿಗರಾಗಿ ಆಚರಿಸುವ ಅವಕಾಶ ಪಡೆದಿದೆ. ಇದರೊಂದಿಗೆ ಅಮೆರಿಕಾದ ಕೆಲವು ಭಾಗಗಳಿಗಿಂತಲೂ ಸುಮಾರು ಒಂದು ದಿನ ಮುಂಚಿತವಾಗಿ ಇಲ್ಲಿ ಹೊಸ ವರ್ಷ ಆರಂಭವಾಗುತ್ತದೆ.

ಕಿರಿಬಾಟಿಯ ನಂತರ ಸಮೋವಾ, ಟೊಂಗಾ, ಟೊಕೆಲಾವ್ ಹಾಗೂ ನ್ಯೂಜಿಲ್ಯಾಂಡ್ (ಆಕ್ಲೆಂಡ್ ಮೊದಲ ಪ್ರಮುಖ ನಗರ) ಹೊಸ ವರ್ಷವನ್ನು ಸ್ವಾಗತಿಸುತ್ತವೆ.

ಕ್ರಮವಾಗಿ ಹೊಸ ವರ್ಷ ಆಚರಿಸುವ ದೇಶಗಳು:
ಕಿರಿಬಾಟಿಯ ಬಳಿಕ ಫಿಜಿ, ಮಾರ್ಷಲ್ ದ್ವೀಪಗಳು, ನೌರು, ಆಸ್ಟ್ರೇಲಿಯಾ, ಜಪಾನ್, ಉತ್ತರ ಕೊರಿಯಾ, ದಕ್ಷಿಣ ಕೊರಿಯಾ, ಚೀನಾ ಹಾಗೂ ದಕ್ಷಿಣ ಪೂರ್ವ ಏಷ್ಯಾದ ದೇಶಗಳಲ್ಲಿ ಹೊಸ ವರ್ಷದ ಸಂಭ್ರಮ ಆರಂಭವಾಗುತ್ತದೆ.

ಭಾರತದ ಸ್ಥಾನ:
ಭಾರತದಲ್ಲಿ ಹೊಸ ವರ್ಷವನ್ನು ರಾತ್ರಿ 12.00 ಗಂಟೆ (IST)ಗೆ ಆಚರಿಸಲಾಗುತ್ತದೆ. ಇದು ಜಾಗತಿಕ ಸಮಯದಂತೆ (UTC) ಡಿಸೆಂಬರ್ 31ರ ಮಧ್ಯಾಹ್ನ 3.30 ಗಂಟೆಗೆ ಸಮಾನವಾಗಿದೆ. ಭಾರತವು ಹೊಸ ವರ್ಷವನ್ನು ಮೊದಲಿಗರಲ್ಲಿಯೂ ಅಲ್ಲ, ಕೊನೆಯವರಲ್ಲಿಯೂ ಅಲ್ಲ. ಪೂರ್ವ ಹಾಗೂ ದಕ್ಷಿಣ ಪೂರ್ವ ಏಷ್ಯಾದ ದೇಶಗಳ ನಂತರ ಮತ್ತು ಯುರೋಪ್, ಆಫ್ರಿಕಾ ಹಾಗೂ ಅಮೆರಿಕಾದ ದೇಶಗಳಿಗಿಂತ ಮುಂಚಿತವಾಗಿ ಭಾರತ ಹೊಸ ವರ್ಷಕ್ಕೆ ಕಾಲಿಡುತ್ತದೆ.

ಕೊನೆಯದಾಗಿ ಹೊಸ ವರ್ಷ ಆಚರಿಸುವ ದೇಶಗಳು ಯಾವುವು..?

ವಿಶ್ವದಲ್ಲಿ ಕೊನೆಯದಾಗಿ ಹೊಸ ವರ್ಷವನ್ನು ಸ್ವಾಗತಿಸುವ ಪ್ರದೇಶಗಳು ಅಮೆರಿಕನ್ ಸಮೋವಾ(American Samoa), ನಿಯೂ(Niue) ಮತ್ತು ಕುಕ್ ದ್ವೀಪಗಳು(Cook Islands). ಇವು ಅಂತರರಾಷ್ಟ್ರೀಯ ದಿನಾಂಕ ರೇಖೆಯ ಪೂರ್ವ ಭಾಗದಲ್ಲಿದ್ದು, ಈ ಪ್ರದೇಶಗಳು ಹೊಸ ವರ್ಷಕ್ಕೆ ಪ್ರವೇಶಿಸುವಾಗ ಜಗತ್ತಿನ ಬಹುಪಾಲು ದೇಶಗಳು ಈಗಾಗಲೇ ಹೊಸ ವರ್ಷವನ್ನು ಸುಮಾರು ಒಂದು ದಿನದಿಂದ ಆಚರಿಸುತ್ತಿರುತ್ತವೆ.

ಆಸಕ್ತಿಕರ ಸಂಗತಿ ಏನೆಂದರೆ ಸಮಯ ವಲಯಗಳ ವ್ಯತ್ಯಾಸದಿಂದ, ಕಿರಿಬಾಟಿಯಲ್ಲಿ ಹೊಸ ವರ್ಷ ಆರಂಭವಾಗುವಾಗ ಜಗತ್ತಿನ ಕೆಲ ಭಾಗಗಳಲ್ಲಿ ಇನ್ನೂ ಡಿಸೆಂಬರ್ 30ನೇ ದಿನವೇ ಇರುತ್ತದೆ. ಸಂಪೂರ್ಣ ವಿಶ್ವ ಹೊಸ ವರ್ಷಕ್ಕೆ ಪ್ರವೇಶಿಸಲು ಸುಮಾರು 25 ಗಂಟೆಗಳ ಸಮಯ ಬೇಕಾಗುತ್ತದೆ.

ಹೀಗಾಗಿ ಹೊಸ ವರ್ಷದ ಆಚರಣೆ ಪ್ರಪಂಚದಾದ್ಯಂತ ಒಂದು ನಿರಂತರ ಸಂಭ್ರಮದಂತೆ ಸಾಗುತ್ತದೆ. ಒಂದೆಡೆ ಪಟಾಕಿ ಸಿಡಿಯುತ್ತಿರುವಾಗ, ಇನ್ನೆಡೆ ಜನರು ಇನ್ನೂ ಹಳೆಯ ವರ್ಷಕ್ಕೆ ವಿದಾಯ ಹೇಳುತ್ತಿರುತ್ತಾರೆ. ಈ ವೈಶಿಷ್ಟ್ಯವೇ ಹೊಸ ವರ್ಷವನ್ನು ಜಾಗತಿಕ ಹಬ್ಬವನ್ನಾಗಿ ಮಾಡಿದೆ.