ದೇಶದ ಮೊದಲ ಸ್ಲಂರಹಿತ ನಗರ(Slum-Free City)ವಾಗಲಿದೆ ಭಾರತದ ‘ಡೈಮಂಡ್ ಸಿಟಿ’ ಸೂರತ್
ದೇಶದ ಪ್ರಮುಖ ಮಹಾನಗರಗಳಲ್ಲಿ ಒಂದೆಡೆ ಗಗನಚುಂಬಿ ಕಟ್ಟಡಗಳು ಮೆರೆದರೆ, ಇನ್ನೊಂದೆಡೆ ಸ್ಲಂ ಪ್ರದೇಶಗಳು ಕಾಣಿಸುವುದು ಸಾಮಾನ್ಯ. ಈ ಅಂತರವನ್ನು ಕಡಿಮೆ ಮಾಡಲು ಹಲವು ವರ್ಷಗಳಿಂದ ಆಡಳಿತಗಳು ಪ್ರಯತ್ನಿಸುತ್ತಿವೆ. ಇದೀಗ ಭಾರತದ ಪ್ರಸಿದ್ಧ ‘ಡೈಮಂಡ್ ಸಿಟಿ’ ಎಂದೇ ಹೆಸರಾದ ಸೂರತ್ , ದೇಶದ ಮೊದಲ ಸ್ಲಂರಹಿತ ನಗರ (India’s First Slum-Free City) ಎಂಬ ಐತಿಹಾಸಿಕ ಸಾಧನೆಗೆ ಹತ್ತಿರವಾಗುತ್ತಿದೆ.
ಸ್ವಚ್ಛತೆಯಲ್ಲೂ ವೇಗವಾದ ಆರ್ಥಿಕ ಬೆಳವಣಿಗೆಯಲ್ಲೂ ಹೆಸರು ಗಳಿಸಿರುವ ಸೂರತ್ ನಗರದಲ್ಲಿ, ಸ್ಲಂಗಳನ್ನು ಸಂಪೂರ್ಣವಾಗಿ ನಿರ್ಮೂಲನೆ ಮಾಡುವ ಗುರಿ ಬಹುತೇಕ ಸಾಧ್ಯವಾಗುವ ಹಂತ ತಲುಪಿದೆ. ಸುರತ್ ಮಹಾನಗರ ಪಾಲಿಕೆ (SMC) ಪ್ರಧಾನಮಂತ್ರಿ ಆವಾಸ್ ಯೋಜನೆ (PMAY) ಹಾಗೂ ರಾಜ್ಯ ಸರ್ಕಾರದ ಗೃಹ ನೀತಿಗಳನ್ನು ಪರಿಣಾಮಕಾರಿಯಾಗಿ ಜಾರಿಗೊಳಿಸಿ, ಅನೌಪಚಾರಿಕ ವಸತಿಗಳನ್ನು ಶಾಶ್ವತ ಮನೆಗಳಾಗಿ ಪರಿವರ್ತಿಸುವಲ್ಲಿ ಯಶಸ್ಸು ಕಂಡಿದೆ.
ನಗರದ ಪ್ರತಿಯೊಬ್ಬ ನಾಗರಿಕನಿಗೂ ಭದ್ರವಾದ ಮನೆ ಒದಗಿಸಬೇಕು, ಯಾವುದೇ ಕುಟುಂಬವೂ ಸ್ಲಂನಲ್ಲಿ ವಾಸಿಸುವ ಸ್ಥಿತಿಗೆ ಬಾರದಂತೆ ಮಾಡಬೇಕು ಎಂಬುದು ಯೋಜನೆಯ ಮೂಲ ಉದ್ದೇಶವಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ, ಸ್ಲಂ ಪ್ರದೇಶಗಳಲ್ಲಿಯೇ ಪುನರ್ವಿಕಾಸ ಕಾರ್ಯ ಕೈಗೊಳ್ಳಲಾಗಿದ್ದು, ಹಳೆಯ ಕುಡಿಯುವ ಮನೆಗಳ ಬದಲು ಆಧುನಿಕ ಬಹುಮಹಡಿ ಅಪಾರ್ಟ್ಮೆಂಟ್ಗಳನ್ನು ನಿರ್ಮಿಸಲಾಗಿದೆ.
ಪುನರ್ವಸತಿ ಕಾರ್ಯದ ಜೊತೆಗೆ, ಕಡಿಮೆ ಹಾಗೂ ಮಧ್ಯಮ ಆದಾಯದ ಕುಟುಂಬಗಳಿಗಾಗಿ ಸಾವಿರಾರು ಕೈಗೆಟುಕುವ ದರದ ಮನೆಗಳ ನಿರ್ಮಾಣವೂ ವೇಗವಾಗಿ ನಡೆಯುತ್ತಿದೆ. ಈ ವಸತಿ ಕಾಲೊನಿಗಳಲ್ಲಿ ಸರಿಯಾದ ಒಳಚರಂಡಿ ವ್ಯವಸ್ಥೆ, ಕುಡಿಯುವ ನೀರಿನ ಪೈಪ್ಲೈನ್, ರಸ್ತೆ ದೀಪಗಳು ಹಾಗೂ ಒಳರಸ್ತೆಗಳಂತಹ ಮೂಲ ಸೌಕರ್ಯಗಳನ್ನು ಒದಗಿಸಲಾಗಿದೆ.
ಉದ್ಯಮಾಧಾರಿತ ನಗರವಾಗಿರುವ ಸೂರತ್ಗೆ ದೇಶದ ವಿವಿಧ ಭಾಗಗಳಿಂದ ವಲಸೆ ಕಾರ್ಮಿಕರು ನಿರಂತರವಾಗಿ ಆಗಮಿಸುವುದರಿಂದ ಗೃಹ ವ್ಯವಸ್ಥೆ ದೊಡ್ಡ ಸವಾಲಾಗಿತ್ತು. ಆದರೂ ಕಳೆದ ಕೆಲವು ವರ್ಷಗಳಲ್ಲಿ ಲಕ್ಷಾಂತರ ಜನರನ್ನು ಶಾಶ್ವತ ಮನೆಗಳಿಗೆ ಸ್ಥಳಾಂತರಿಸಲಾಗಿದೆ ಎಂದು ಮಹಾನಗರ ಪಾಲಿಕೆಯ ಅಂಕಿಅಂಶಗಳು ತಿಳಿಸುತ್ತವೆ. ಅಹಮದಾಬಾದ್ ಮಿರರ್ ವರದಿ ಪ್ರಕಾರ, ಸುರತ್ನ ಈ ಸಾಧನೆಯನ್ನು ಗುಜರಾತ್ ಮಾತ್ರವಲ್ಲದೆ ದೇಶದ ಇತರೆ ಮಹಾನಗರಗಳಿಗೆ ಮಾದರಿಯಾಗಿ ಪರಿಗಣಿಸಲಾಗುತ್ತಿದೆ.
ಗುರಿ ಪೂರ್ಣಗೊಂಡಲ್ಲಿ, ನಗರಾಭಿವೃದ್ಧಿ ಕ್ಷೇತ್ರದಲ್ಲಿ ಜಾಗತಿಕ ಮಟ್ಟದಲ್ಲಿ ಭಾರತದ ಚಿತ್ರವನ್ನು ಮತ್ತಷ್ಟು ಬಲಪಡಿಸುವ ಮಹತ್ವದ ಹೆಜ್ಜೆಯಾಗಿ ಸುರತ್ ಪರಿಗಣಿಸಲ್ಪಡುವ ನಿರೀಕ್ಷೆಯಿದೆ.
ಭಾರತದಲ್ಲಿ ಕೊಳೆಗೇರಿಗಳು ಮತ್ತು ನಗರ ವಸತಿ :
ತ್ವರಿತ ವಲಸೆ, ಕೈಗೆಟುಕುವ ವಸತಿ ಕೊರತೆ ಮತ್ತು ದುರ್ಬಲ ನಗರ ಯೋಜನೆಯಿಂದಾಗಿ ನಗರ ಕೊಳೆಗೇರಿಗಳು ಉದ್ಭವಿಸುತ್ತವೆ. ಇದನ್ನು ಪರಿಹರಿಸಲು, ಸರ್ಕಾರವು ಪ್ರಧಾನ ಮಂತ್ರಿ ಆವಾಸ್ ಯೋಜನೆಯಂತಹ ವಸತಿ ಮಿಷನ್ಗಳನ್ನು ಪ್ರಾರಂಭಿಸಿತು, ಇದು ಸ್ಥಳದಲ್ಲೇ ಕೊಳೆಗೇರಿ ಪುನರಾಭಿವೃದ್ಧಿ, ಕೈಗೆಟುಕುವ ವಸತಿ ಮತ್ತು ಫಲಾನುಭವಿ ನೇತೃತ್ವದ ನಿರ್ಮಾಣದ ಮೂಲಕ “ಎಲ್ಲರಿಗೂ ವಸತಿ” ಒದಗಿಸುವ ಗುರಿಯನ್ನು ಹೊಂದಿದೆ.
- ಕರ್ನಾಟಕದ ‘ಅತಿ ದೀರ್ಘಾವಧಿ ಮುಖ್ಯಮಂತ್ರಿ’ಯಾಗಿ ಸಿದ್ದರಾಮಯ್ಯ ದಾಖಲೆ
- ಪ್ರಚಲಿತ ಘಟನೆಗಳ ಕ್ವಿಜ್ (06-01-2026)
- ಪ್ರಚಲಿತ ಘಟನೆಗಳ ಕ್ವಿಜ್ (05-01-2026)
- ಕರ್ನಾಟಕದಲ್ಲಿ ಮೊದಲ ಬಾರಿಗೆ ಅತೀ ವಿರಳ ಶ್ರೀಗಂಧದ ಬಣ್ಣದ ಚಿರತೆ (Sandalwood Leopard) ಪತ್ತೆ
- ದೇಶದ ಮೊದಲ ಸ್ಲಂರಹಿತ ನಗರ(Slum-Free City)ವಾಗಲಿದೆ ಭಾರತದ ‘ಡೈಮಂಡ್ ಸಿಟಿ’ ಸೂರತ್
