“ಭಾರತದ ಪಾದರಕ್ಷೆ ನಗರ” (Footwear City) ಎಂದು ಕರೆಯಲ್ಪಡುವ ನಗರ ಯಾವುದು..?

Which Indian City is Known as the Footwear City?

ತಾಜ್‌ಮಹಲ್‌ನಿಂದ ವಿಶ್ವಪ್ರಸಿದ್ಧಿಯಾದ ಆಗ್ರಾ (Agra) ನಗರವು, ಇದೀಗ ಭಾರತದ ‘ಪಾದರಕ್ಷೆ ನಗರ’ (Footwear City) ಎಂಬ ಹೆಗ್ಗಳಿಕೆಯನ್ನು ಸಹ ಹೊಂದಿದೆ. ದೇಶದ ಪ್ರಮುಖ ಚರ್ಮ ಮತ್ತು ಪಾದರಕ್ಷೆ ಉತ್ಪಾದನಾ ಕೇಂದ್ರಗಳಲ್ಲೊಂದು ಆಗಿರುವ ಆಗ್ರಾ, ಲಕ್ಷಾಂತರ ಜನರಿಗೆ ಉದ್ಯೋಗ ಒದಗಿಸುವ ಕೈಗಾರಿಕಾ ಕೇಂದ್ರವಾಗಿ ಬೆಳೆಯುತ್ತಿದೆ. ಆಗ್ರಾವು ತಾಜ್ ಮಹಲ್‌ಗೆ ವಿಶ್ವಪ್ರಸಿದ್ಧವಾಗಿದ್ದರೂ, ಭಾರತದ ಪಾದರಕ್ಷೆಗಳ ಉದ್ಯಮದಲ್ಲಿ ಇದು ಬಹಳ ಮುಖ್ಯವಾದ ಸ್ಥಾನವನ್ನು ಹೊಂದಿದೆ.

✶ಆಗ್ರಾವನ್ನು ಪಾದರಕ್ಷೆಗಳ ನಗರಿ ಎಂದು ಏಕೆ ಕರೆಯುತ್ತಾರೆ?
ಆಗ್ರಾದಲ್ಲಿ ಸುಮಾರು ಸಾವಿರಾರು ಸಣ್ಣ, ಮಧ್ಯಮ ಮತ್ತು ದೊಡ್ಡ ಮಟ್ಟದ ಪಾದರಕ್ಷೆ ತಯಾರಿಕಾ ಘಟಕಗಳು ಕಾರ್ಯನಿರ್ವಹಿಸುತ್ತಿವೆ. ಚಪ್ಪಲಿ, ಶೂ, ಸ್ಯಾಂಡಲ್ ಸೇರಿದಂತೆ ವಿವಿಧ ರೀತಿಯ ಪಾದರಕ್ಷೆಗಳು ಇಲ್ಲಿ ಉತ್ಪಾದನೆಯಾಗುತ್ತಿವೆ. ಇವು ದೇಶೀಯ ಮಾರುಕಟ್ಟೆಯಲ್ಲಷ್ಟೇ ಅಲ್ಲದೆ, ಅಮೆರಿಕಾ, ಯೂರೋಪ್, ಮಧ್ಯಪ್ರಾಚ್ಯ ಸೇರಿದಂತೆ ಹಲವು ರಾಷ್ಟ್ರಗಳಿಗೆ ರಫ್ತಾಗುತ್ತಿವೆ.

ಈ ನಗರದಲ್ಲಿ ಲಭ್ಯವಿರುವ ಗುಣಮಟ್ಟದ ಚರ್ಮ, ಪರಂಪಯ ಕೈತೋಟದ ಕೌಶಲ್ಯ, ನಿಪುಣ ಕಾರ್ಮಿಕ ವರ್ಗ ಹಾಗೂ ಸುಧಾರಿತ ತಂತ್ರಜ್ಞಾನಗಳು ಪಾದರಕ್ಷೆ ಉದ್ಯಮದ ಬೆಳವಣಿಗೆಗೆ ಕಾರಣವಾಗಿವೆ. ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳ ಸಹಕಾರದಿಂದ ಕೈಗಾರಿಕಾ ಕ್ಲಸ್ಟರ್‌ಗಳು, ರಫ್ತು ಉತ್ತೇಜನ ಯೋಜನೆಗಳು ಹಾಗೂ ತರಬೇತಿ ಕೇಂದ್ರಗಳು ಸ್ಥಾಪನೆಯಾಗಿದ್ದು, ಉದ್ಯಮಕ್ಕೆ ಮತ್ತಷ್ಟು ಬಲ ನೀಡಿವೆ.

ಪಾದರಕ್ಷೆ ಉದ್ಯಮವು ಆಗ್ರಾದ ಆರ್ಥಿಕತೆಗೆ ಪ್ರಮುಖ ಆದಾಯ ಮೂಲವಾಗಿದ್ದು, ಯುವಕರಿಗೆ ಉದ್ಯೋಗಾವಕಾಶ ಸೃಷ್ಟಿಸುವಲ್ಲಿ ಮಹತ್ವದ ಪಾತ್ರ ವಹಿಸುತ್ತಿದೆ. ಈ ಕಾರಣದಿಂದಲೇ ಸಾಮಾನ್ಯ ಜ್ಞಾನ, ಸ್ಪರ್ಧಾತ್ಮಕ ಪರೀಕ್ಷೆಗಳು ಹಾಗೂ ಶೈಕ್ಷಣಿಕ ವಿಷಯಗಳಲ್ಲಿ “ಪಾದರಕ್ಷೆ ನಗರ” ಎಂದರೆ ಆಗ್ರಾ ಎಂಬ ಉತ್ತರವನ್ನು ವ್ಯಾಪಕವಾಗಿ ಒಪ್ಪಿಕೊಳ್ಳಲಾಗಿದೆ.

✶ಮೊಘಲ್ ಯುಗದಿಂದಲೂ ನಡೆದು ಬಂದಿರುವ ಸಂಪ್ರದಾಯ
ಆಗ್ರಾದ ಪಾದರಕ್ಷೆಗಳ ಉದ್ಯಮವು ಹೊಸದೇನಲ್ಲ. ಇದರ ಬೇರುಗಳು ಮೊಘಲರ ಕಾಲಕ್ಕೆ ಹೋಗುತ್ತವೆ. ಆ ಸಮಯದಲ್ಲಿ, ಆಗ್ರಾದಲ್ಲಿ ಚರ್ಮದ ಕೆಲಸ ಮತ್ತು ಪಾದರಕ್ಷೆ ತಯಾರಿಕೆ ವೇಗವಾಗಿ ಬೆಳೆಯಿತು. ಆ ಯುಗದಲ್ಲಿ ಕೆಲಸ ಮಾಡುತ್ತಿದ್ದ ಕುಶಲಕರ್ಮಿಗಳು ತಮ್ಮ ಕೌಶಲ್ಯಗಳನ್ನು ಒಂದು ಪೀಳಿಗೆಯಿಂದ ಮತ್ತೊಂದು ಪೀಳಿಗೆಗೆ ವರ್ಗಾಯಿಸಿದರು. ಇಂದಿಗೂ ಸಹ, ಆಗ್ರಾದ ಅನೇಕ ಕುಟುಂಬಗಳು ಈ ಸಾಂಪ್ರದಾಯಿಕ ಕರಕುಶಲತೆಯನ್ನು ಮುಂದುವರೆಸಿಕೊಂಡು, ಪರಂಪರೆಯನ್ನು ಜೀವಂತವಾಗಿರಿಸುತ್ತಿವೆ.

✶ಭಾರತದ ಇತರ ಪ್ರಮುಖ ಪಾದರಕ್ಷೆ ಕೇಂದ್ರಗಳು
ಪಾದರಕ್ಷೆಗಳ ಉತ್ಪಾದನೆಯಲ್ಲಿ ಆಗ್ರಾ ಪ್ರಮುಖ ಹೆಸರಾಗಿದ್ದರೂ, ಇನ್ನೂ ಎರಡು ಭಾರತೀಯ ನಗರಗಳು ಪ್ರಮುಖ ಪಾತ್ರ ವಹಿಸುತ್ತವೆ:
*ಕಾನ್ಪುರ :
ಕೈಗಾರಿಕೆಗಳು ಮತ್ತು ಕಾರ್ಖಾನೆಗಳಲ್ಲಿ ಬಳಸಲಾಗುವ ಸುರಕ್ಷತಾ ಶೂಗಳ ತಯಾರಿಕೆಗೆ ಕಾನ್ಪುರ ಹೆಸರುವಾಸಿಯಾಗಿದೆ. ಈ ಶೂಗಳು ಅವುಗಳ ಬಲವಾದ ಗುಣಮಟ್ಟದಿಂದಾಗಿ ಪ್ರಪಂಚದಾದ್ಯಂತ ರಫ್ತು ಮಾಡಲ್ಪಡುತ್ತವೆ.
*ಚೆನ್ನೈ :
ಚರ್ಮದ ಪಾದರಕ್ಷೆಗಳಿಗೆ ಚೆನ್ನೈ ಮತ್ತೊಂದು ದೊಡ್ಡ ಕೇಂದ್ರವಾಗಿದೆ. ಭಾರತದಿಂದ ಪಾದರಕ್ಷೆಗಳನ್ನು ಉತ್ಪಾದಿಸುವ ಮತ್ತು ರಫ್ತು ಮಾಡುವ ಪ್ರಮುಖ ಕೇಂದ್ರಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ.

• ಸಂವಿಧಾನ ಕುರಿತು ನೆನಪಿನಲ್ಲಿಟ್ಟುಕೊಳ್ಳಬೇಕಾದ ಸಾಮಾನ್ಯ ಅಂಶಗಳು (Constitution of India)
• ಭಾರತದ ಪ್ರಧಾನ ಮಂತ್ರಿ(Prime Minister of India)ಯನ್ನು ಯಾರು ನೇಮಿಸುತ್ತಾರೆ..? ಪ್ರಕ್ರಿಯೆ ಏನು..?
• ಭಾರತೀಯ ಕ್ರಿಕೆಟ್ ಇತಿಹಾಸದಲ್ಲೇ 2ನೇ ಅತಿ ವೇಗದ ಅರ್ಧಶತಕ ಸಿಡಿಸಿದ ಹಾರ್ದಿಕ್ ಪಾಂಡ್ಯ (Hardik Pandya)
• ಮಲಯಾಳಂ ಚಿತ್ರರಂಗದ ಖ್ಯಾತ ನಟ, ನಿರ್ದೇಶಕ ಶ್ರೀನಿವಾಸನ್ ನಿಧನ
• ಬಾಹ್ಯಾಕಾಶಕ್ಕೆ ತೆರಳಲಿರುವ ಮೊದಲ ವೀಲ್‌ಚೇರ್ ಗಗನಯಾತ್ರಿಯಾಗಿ ಮೈಕೆಲಾ ಬೆಂಥೌಸ್ (Michaela Benthaus)