Meet Anil Menon : 2026ರಲ್ಲಿ ಬಾಹ್ಯಾಕಾಶಕ್ಕೆ ಮತ್ತೊಬ್ಬ ಭಾರತೀಯ ಮೂಲದ ಗಗನಯಾತ್ರಿ ಅನಿಲ್ ಮೆನನ್
Meet Anil Menon, Indian-origin astronaut traveling to space in 2026
ಕೆಲವು ದಿನಗಳ ಹಿಂದೆ ಭಾರತೀಯ ವಾಯುಪಡೆಯ ಗ್ರೂಪ್ ಕ್ಯಾಪ್ಟನ್ ಶುಭಾಂಶು ಶುಕ್ಲಾ ಅವರು ಆಕ್ಸಿಯಮ್ – 4 ಮಿಷನ್ ಅಡಿ ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣಕ್ಕೆ ಯಶಸ್ವಿಯಾಗಿ ತೆರಳಿದರು. ಈಗ ಮತ್ತೊಬ್ಬ ಭಾರತೀಯ ಐಎಸ್ಎಸ್ಗೆ ಹೋಗಲು ತಯಾರಿ ನಡೆಸುತ್ತಿದ್ದಾರೆ.
ನಾಸಾ ಮೊದಲ ಬಾಹ್ಯಾಕಾಶ ನಿಲ್ದಾಣ ಕಾರ್ಯಾಚರಣೆಗೆ ಗಗನಯಾತ್ರಿ ಅನಿಲ್ ಮೆನನ್ ಅವರನ್ನು ನೇಮಕ ಮಾಡಲಾಗಿದೆ. ನಾಸಾ ಪತ್ರಿಕಾ ಪ್ರಕಟಣೆಯನ್ನು ಬಿಡುಗಡೆ ಮಾಡುವ ಮೂಲಕ ಈ ಮಾಹಿತಿಯನ್ನು ನೀಡಿದೆ. ಪತ್ರಿಕಾ ಪ್ರಕಟಣೆಯ ಪ್ರಕಾರ, ಗಗನಯಾತ್ರಿ ಅನಿಲ್ ಮೆನನ್ ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣಕ್ಕೆ ತಮ್ಮ ಮೊದಲ ಕಾರ್ಯಾಚರಣೆಗೆ ತೆರಳಲಿದ್ದಾರೆ. ಅಲ್ಲಿ ಅವರು ಎಕ್ಸ್‌ಪೆಡಿಶನ್ 75ರ ಫ್ಲೈಟ್ ಎಂಜಿನಿಯರ್ ಮತ್ತು ಸಿಬ್ಬಂದಿ ಸದಸ್ಯರಾಗಿ ಕೆಲಸ ಮಾಡಲಿದ್ದಾರೆ.
ನಾಸಾ 2026ರ ಜೂನ್‌ನಲ್ಲಿ ಮೊದಲ ಬಾಹ್ಯಾಕಾಶ ನಿಲ್ದಾಣದ ಕಾರ್ಯಾಚರಣೆಯನ್ನು ಆರಂಭಿಸಲಿದೆ. ಇದಕ್ಕಾಗಿ ಗಗನಯಾತ್ರಿ ಅನಿಲ್ ಮೆನನ್ ಅವರನ್ನು ಆಯ್ಕೆ ಮಾಡಲಾಗಿದೆ. ರೋಸ್ಕೋಸ್ಮೋಸ್ ಸೋಯುಜ್ ಎಂಎಸ್ -29 ಬಾಹ್ಯಾಕಾಶ ನೌಕೆಯಲ್ಲಿ ಕಾರ್ಯಾಚರಣೆಗೆ ಹೊರಡಲಿದ್ದಾರೆ.ಅನಿಲ್ ಮೆನನ್ ಜೊತೆಗೆ ರೋಸ್ಕೋಸ್ಮೋಸ್ ಗಗನಯಾತ್ರಿಗಳಾದ ಪಯೋಟರ್ ಡುಬ್ರೊವ್ ಮತ್ತು ಅನ್ನಾ ಕಿಕಿನಾ ಕೂಡ ಹೋಗಲಿದ್ದಾರೆ.
ಅನಿಲ್ ಮೆನನ್ ಈ ಕಾರ್ಯಾಚರಣೆಯ ಫ್ಲೈಟ್ ಎಂಜಿನಿಯರ್ ಆಗಿರುತ್ತಾರೆ. ನಾಸಾ ಪ್ರಕಟಣೆಯೊಂದನ್ನು ಬಿಡುಗಡೆ ಮಾಡಿದ್ದು, ಗಗನಯಾತ್ರಿ ಅನಿಲ್ ಮೆನನ್ ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣಕ್ಕೆ ತಮ್ಮ ಮೊದಲ ಕಾರ್ಯಾಚರಣೆಗೆ ಹೊರಡಲಿದ್ದಾರೆ. ಅಲ್ಲಿ ಅವರು ಎಕ್ಸ್ ಪೆಡಿಶನ್‌ 75 ರ ಫ್ಲೈಟ್ ಎಂಜಿನಿಯರ್ ಮತ್ತು ಸಿಬ್ಬಂದಿ ಸದಸ್ಯರಾಗಿ ಕೆಲಸ ಮಾಡಲಿದ್ದಾರೆ ಎಂದು ತಿಳಿಸಿದೆ. ಈ ಮೂವರು ಸುಮಾರು ಎಂಟು ತಿಂಗಳುಗಳನ್ನು ಕಕ್ಷೆಯ ಪ್ರಯೋಗಾಲಯದಲ್ಲಿ ಕಳೆಯಲಿದ್ದಾರೆ.
ಎಂಟು ತಿಂಗಳು ಪ್ರಯೋಗಾಲಯದಲ್ಲೇ ಕಳೆಯಲಿರುವ ಮೆನನ್:
ಮೆನನ್ ಜೂನ್ 2026 ರಲ್ಲಿ ರೋಸ್ಕೋಸ್ಮೋಸ್ ಗಗನಯಾತ್ರಿಗಳಾದ ಪಯೋಟರ್ ಡುಬ್ರೊವ್ ಮತ್ತು ಅನ್ನಾ ಕಿಕಿನಾ ಅವರೊಂದಿಗೆ ರೋಸ್ಕೋಸ್ಮೋಸ್ ಸೋಯುಜ್ ಎಂಎಸ್ – 29 ಬಾಹ್ಯಾಕಾಶ ನೌಕೆಯಲ್ಲಿ ಉಡಾವಣೆ ಮಾಡಲಿದ್ದಾರೆ ಎಂದು ನಾಸಾ ತಿಳಿಸಿದೆ. ಕಝಾಕಿಸ್ತಾನ್‌ನ ಬೈಕೊನೂರ್ ಕಾಸ್ಮೋಡ್ರೋಮ್‌ನಿಂದ ಉಡಾವಣೆ ಮಾಡಿದ ನಂತರ ಮೂವರು ಗಗನಯಾತ್ರಿಗಳು ಸುಮಾರು ಎಂಟು ತಿಂಗಳು ಕಕ್ಷೆಯ ಪ್ರಯೋಗಾಲಯದಲ್ಲಿ ಕಳೆಯಲಿದ್ದಾರೆ.
ಯಾರು ಈ ಅನಿಲ್ ಮೆನನ್..?
ಅನಿಲ್ ಮೆನನ್ ಭಾರತೀಯ ಮೂಲದ ಅಮೆರಿಕನ್‌ ಗಗನಯಾತ್ರಿ. ತುರ್ತು ವೈದ್ಯಕೀಯ ತಜ್ಞರು ಮತ್ತು ಅಮೆರಿಕನ್‌ ವಾಯುಪಡೆಯಲ್ಲಿ ಲೆಫ್ಟಿನೆಂಟ್‌ ಕರ್ನಲ್ ಆಗಿದ್ದಾರೆ. ಅನಿಲ್ 1976 ರ ಅಕ್ಟೋಬರ್‌ 15 ರಂದು ಮಿನ್ನೇಸೋಟದ ಮಿನ್ನಿಯಾಪೋಲಿಸ್ನಲ್ಲಿ ಜನಿಸಿದರು. ಅವರ ಪೋಷಕರು ಭಾರತ ಮತ್ತು ಉಕ್ರೇನ್‌ನೊಂದಿಗೆ ಸಂಪರ್ಕ ಹೊಂದಿದ್ದಾರೆ. ಅನಿಲ್ ಮೆನನ್ ಅವರ ಕುಟುಂಬವು ಕೇರಳದ ಮಲಬಾರ್‌ ಪ್ರದೇಶದವರು. ಅವರು ಸ್ಪೇಸ್ಎಕ್ಸ್ ನಲ್ಲಿ ಮುಖ್ಯ ಬಾಹ್ಯಾಕಾಶ ಕಾರ್ಯನಿರ್ವಾಹಕ ಎಂಜಿನಿಯರ್ ಆಗಿರುವ ಅನ್ನಾ ಮೆನನ್ ಅವರನ್ನು ವಿವಾಹವಾದರು ಮತ್ತು ಅವರಿಗೆ 2 ಮಕ್ಕಳಿದ್ದಾರೆ.
ಅನಿಲ್ ಮೆನನ್ ಅಮೆರಿಕದಲ್ಲಿ ಹುಟ್ಟಿ ಬೆಳೆದರು, ಆದರೆ ಅವರಿಗೆ ದೆಹಲಿಯೊಂದಿಗೆ ಸಂಪರ್ಕವೂ ಇದೆ. ಅನಿಲ್ ಮೆನನ್ ನವದೆಹಲಿಯ ಜವಾಹರಲಾಲ್ ನೆಹರು ವಿಶ್ವವಿದ್ಯಾಲಯದಲ್ಲಿ ಒಂದು ವರ್ಷದ ಕೋರ್ಸ್ ಮಾಡಿದ್ದರು.ಅನಿಲ್ ಮೆನನ್ 1999 ರಲ್ಲಿ ಹಾರ್ವರ್ಡ್ ವಿಶ್ವವಿದ್ಯಾಲಯದಿಂದ ನ್ಯೂರೋಬಯಾಲಜಿಯಲ್ಲಿ ಪದವಿ ಪಡೆದರು. 2003 ರಲ್ಲಿ, ಅವರು ಸ್ಟ್ಯಾನ್ಫೋರ್ಡ್ ವಿಶ್ವವಿದ್ಯಾಲಯದಿಂದ ಮೆಕ್ಯಾನಿಕಲ್ ಎಂಜಿನಿಯರಿಂಗ್‌ನಲ್ಲಿ ಸ್ನಾತಕೋತ್ತರ ಪದವಿ ಪಡೆದರು.
2006 ರಲ್ಲಿ, ಅವರು ಸ್ಟ್ಯಾನ್ಫೋರ್ಡ್ ವೈದ್ಯಕೀಯ ಶಾಲೆಯಿಂದ ವೈದ್ಯಕೀಯದಲ್ಲಿ ಡಾಕ್ಟರೇಟ್ ಪದವಿ ಪಡೆದರು.ನಾಸಾಗೆ ಸೇರುವ ಮೊದಲು, ಅವರು ಸ್ಪೇಸ್ಎಕ್ಸ್ ಮತ್ತು ವಾಯುಪಡೆಯಲ್ಲಿ ಕೆಲಸ ಮಾಡಿದ್ದರು. ಅನಿಲ್ ಮೆನನ್ 2014 ರಲ್ಲಿ ನಾಸಾದಲ್ಲಿ ಫ್ಲೈಟ್ ಸರ್ಜನ್ ಆಗಿ ಸೇರಿದರು. ಅವರು 2018 ರಲ್ಲಿ ಸ್ಪೇಸ್ಎಕ್ಸ್ ಗೆ ಸೇರಿದರು ಮತ್ತು ಕಂಪನಿಯ ಮೊದಲ ಫ್ಲೈಟ್ ಸರ್ಜನ್ ಆದರು.ಅವರು ಸ್ಪೇಸ್ಎಕ್ಸ್ ನ ಮೊದಲ ಮಾನವ ಬಾಹ್ಯಾಕಾಶ ಮಿಷನ್ ಡೆಮೊ -2 ಮತ್ತು ಮೊದಲ ನಾಗರಿಕ ಮಿಷನ್ ಇನ್ಸ್ಪಿರೇಷನ್ -4 ರ ಯಶಸ್ಸಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು.
ನಾಸಾದ ಅಧಿಕೃತ ಮಾಹಿತಿಯ ಪ್ರಕಾರ, ಈ ಕಾರ್ಯಾಚರಣೆಯ ಸಮಯದಲ್ಲಿ, ಡಾ. ಮೆನನ್ ಮಾನವೀಯತೆಯ ಪ್ರಯೋಜನಕ್ಕಾಗಿ ಮತ್ತು ಭವಿಷ್ಯದ ಆಳವಾದ ಬಾಹ್ಯಾಕಾಶ ಯಾನಗಳಿಗೆ ತಯಾರಿಗಾಗಿ ವಿವಿಧ ಸಂಶೋಧನಾ ಕಾರ್ಯಗಳನ್ನು ಕೈಗೊಳ್ಳಲಿದ್ದಾರೆ. ಡಾ.ಮೆನನ್ ಅವರನ್ನು 2021 ರಲ್ಲಿ ನಾಸಾ ಗಗನಯಾತ್ರಿಯಾಗಿ ಆಯ್ಕೆ ಮಾಡಿತು ಮತ್ತು 2024 ರಲ್ಲಿ 23ನೇ ಗಗನಯಾತ್ರಿ ತರಗತಿಯೊಂದಿಗೆ ತರಬೇತಿ ಪೂರ್ಣಗೊಳಿಸಿತು.
ತರಬೇತಿಯ ನಂತರ, ಅವರು ತಮ್ಮ ಮೊದಲ ಬಾಹ್ಯಾಕಾಶ ನಿಲ್ದಾಣ ಕಾರ್ಯಾಚರಣೆಗೆ ತಯಾರಿ ನಡೆಸಲು ಪ್ರಾರಂಭಿಸಿದರು. ಮಿನ್ನೇಸೋಟದ ಮಿನ್ನಿಯಾಪೋಲಿಸ್ನಲ್ಲಿ ಹುಟ್ಟಿ ಬೆಳೆದ ಅನಿಲ್ ಮೆನನ್ ತುರ್ತು ವೈದ್ಯಕೀಯ ತಜ್ಞ, ಮೆಕ್ಯಾನಿಕಲ್ ಎಂಜಿನಿಯರ್ ಮತ್ತು ಅಮೆರಿಕ ಬಾಹ್ಯಾಕಾಶ ಪಡೆಯ ಕರ್ನಲ್ ಆಗಿದ್ದಾರೆ.
ಮೆನನ್ ಅವರ ತಂದೆ ಭಾರತೀಯರು ಮತ್ತು ತಾಯಿ ಉಕ್ರೇನಿಯನ್ ಮೂಲದವರು. ಶಿಕ್ಷಣದ ಬಗ್ಗೆ ಹೇಳುವುದಾದರೆ ಅವರು ಹಾರ್ವರ್ಡ್ ವಿಶ್ವವಿದ್ಯಾಲಯದಿಂದ ನರಜೀವಶಾಸ್ತ್ರದಲ್ಲಿ ಪದವಿ, ಸ್ಟ್ಯಾನ್ಫೋರ್ಡ್ ವಿಶ್ವವಿದ್ಯಾಲಯದಿಂದ ಮೆಕ್ಯಾನಿಕಲ್ ಎಂಜಿನಿಯರಿಂಗ್‌ನಲ್ಲಿ ಸ್ನಾತಕೋತ್ತರ ಪದವಿ ಮತ್ತು ಅಲ್ಲಿಂದ ಎಂಬಿಬಿಎಸ್ ಪದವಿಯನ್ನು ಪಡೆದರು. ಇದರ ನಂತರ ಅವರು ಸ್ಟ್ಯಾನ್ಫೋರ್ಡ್ ಮತ್ತು ಟೆಕ್ಸಾಸ್ ವಿಶ್ವವಿದ್ಯಾಲಯದಲ್ಲಿ ಏರೋಸ್ಪೇಸ್ ಮತ್ತು ತುರ್ತು ವೈದ್ಯಕೀಯದಲ್ಲಿ ಪರಿಣತಿ ಪಡೆದರು.
ಅನಿಲ್ ಮೆನನ್ ದೆಹಲಿ ಸಂಪರ್ಕ :
ಅನಿಲ್ ಮೆನನ್ ಅಮೆರಿಕದಲ್ಲಿ ಹುಟ್ಟಿ ಬೆಳೆದರು, ಆದರೆ ಅವರಿಗೆ ದೆಹಲಿಯೊಂದಿಗೆ ಸಂಪರ್ಕವೂ ಇದೆ. ಅನಿಲ್ ಮೆನನ್ ನವದೆಹಲಿಯ ಜವಾಹರಲಾಲ್ ನೆಹರು ವಿಶ್ವವಿದ್ಯಾಲಯದಲ್ಲಿ ಒಂದು ವರ್ಷದ ಕೋರ್ಸ್ ಮಾಡಿದ್ದರು.
ಅನಿಲ್ ಮೆನನ್ 1999 ರಲ್ಲಿ ಹಾರ್ವರ್ಡ್ ವಿಶ್ವವಿದ್ಯಾಲಯದಿಂದ ನ್ಯೂರೋಬಯಾಲಜಿಯಲ್ಲಿ ಪದವಿ ಪಡೆದರು. 2003 ರಲ್ಲಿ, ಅವರು ಸ್ಟ್ಯಾನ್ಫೋರ್ಡ್ ವಿಶ್ವವಿದ್ಯಾಲಯದಿಂದ ಮೆಕ್ಯಾನಿಕಲ್ ಎಂಜಿನಿಯರಿಂಗ್‌ನಲ್ಲಿ ಸ್ನಾತಕೋತ್ತರ ಪದವಿ ಪಡೆದರು. 2006 ರಲ್ಲಿ, ಅವರು ಸ್ಟ್ಯಾನ್ಫೋರ್ಡ್ ವೈದ್ಯಕೀಯ ಶಾಲೆಯಿಂದ ವೈದ್ಯಕೀಯದಲ್ಲಿ ಡಾಕ್ಟರೇಟ್ ಪದವಿ ಪಡೆದರು.
ನಾಸಾಗೆ ಸೇರುವ ಮೊದಲು, ಅವರು ಸ್ಪೇಸ್ಎಕ್ಸ್ ಮತ್ತು ವಾಯುಪಡೆಯಲ್ಲಿ ಕೆಲಸ ಮಾಡಿದ್ದರು. ಅನಿಲ್ ಮೆನನ್ 2014 ರಲ್ಲಿ ನಾಸಾದಲ್ಲಿ ಫ್ಲೈಟ್ ಸರ್ಜನ್ ಆಗಿ ಸೇರಿದರು. ಅವರು 2018 ರಲ್ಲಿ ಸ್ಪೇಸ್‌ಎಕ್ಸ್‌ಗೆ ಸೇರಿದರು ಮತ್ತು ಕಂಪನಿಯ ಮೊದಲ ಫ್ಲೈಟ್ ಸರ್ಜನ್ ಆದರು.
ಅವರು ಸ್ಪೇಸ್‌ಎಕ್ಸ್‌ನ ಮೊದಲ ಮಾನವ ಬಾಹ್ಯಾಕಾಶ ಮಿಷನ್ ಡೆಮೊ -2 ಮತ್ತು ಮೊದಲ ನಾಗರಿಕ ಮಿಷನ್ ಇನ್ಸ್ಪಿರೇಷನ್ -4 ರ ಯಶಸ್ಸಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಅನಿಲ್ ಯುಎಸ್ ವಾಯುಪಡೆಯ ಭಾಗವಾಗಿದ್ದಾಗ 45 ನೇ ಸ್ಪೇಸ್ ವಿಂಗ್ ಮತ್ತು 173 ನೇ ಫೈಟರ್ ವಿಂಗ್‌ನಲ್ಲಿ ಫ್ಲೈಟ್ ಸರ್ಜನ್ ಆಗಿ ಕೆಲಸ ಮಾಡಿದರು. ಅವರು F-15 ಫೈಟರ್ ಜೆಟ್‌ನಲ್ಲಿ 100 ಕ್ಕೂ ಹೆಚ್ಚು ವಿಮಾನಗಳನ್ನು ಹಾರಿಸಿದ್ದಾರೆ. ಅವರು ಪೈಲಟ್ ಆಗಿ 1000 ಗಂಟೆಗಳ ಹಾರಾಟದ ಅನುಭವವನ್ನು ಪಡೆದಿದ್ದಾರೆ.
ಅನಿಲ್ ಮೆನನ್ ಕಾರ್ಯವೇನು?
ಬಾಹ್ಯಾಕಾಶ ವೈದ್ಯಕೀಯ ಕ್ಷೇತ್ರದಲ್ಲಿ ಡಾ. ಮೆನನ್ ಅವರ ಸಾಧನೆಗಳು ಸಹ ಗಮನಾರ್ಹವಾಗಿವೆ. ಅವರು ಸ್ಪೇಸ್‌ಎಕ್ಸ್‌ನ ಮೊದಲ ಫ್ಲೈಟ್ ಸರ್ಜನ್ ಆಗಿದ್ದರು ಮತ್ತು ಕಂಪನಿಯ ವೈದ್ಯಕೀಯ ಸಂಸ್ಥೆಯ ಅಡಿಪಾಯ ಹಾಕುವಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಅವರು ನಾಸಾದ ಸ್ಪೇಸ್ಎಕ್ಸ್ ಡೆಮೊ-2 ಮಿಷನ್ ಮತ್ತು ಬಾಹ್ಯಾಕಾಶ ನಿಲ್ದಾಣಕ್ಕೆ ಕಳುಹಿಸಲಾದ ಹಲವಾರು ಮಿಷನ್‌ಗಳಲ್ಲಿ ಕ್ರೂ ಫ್ಲೈಟ್ ಸರ್ಜನ್ ಆಗಿ ಸೇವೆ ಸಲ್ಲಿಸಿದರು.
ಡಾ. ಮೆನನ್ ಪ್ರಸ್ತುತ ಸಮಯ ಸಿಕ್ಕಾಗಲೆಲ್ಲಾ ಟೆಕ್ಸಾಸ್ ವೈದ್ಯಕೀಯ ಕೇಂದ್ರದಲ್ಲಿ ತುರ್ತು ವೈದ್ಯಕೀಯ ಸೇವೆಗಳನ್ನು ಒದಗಿಸುತ್ತಾರೆ ಮತ್ತು ಟೆಕ್ಸಾಸ್ ವಿಶ್ವವಿದ್ಯಾಲಯದ ರೆಸಿಡೆನ್ಸಿ ಕಾರ್ಯಕ್ರಮದಲ್ಲಿ ವಿದ್ಯಾರ್ಥಿಗಳಿಗೆ ತರಬೇತಿ ನೀಡುತ್ತಾರೆ. ಕಳೆದ 25 ವರ್ಷಗಳಿಂದ ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಲ್ಲಿ ವೈಜ್ಞಾನಿಕ ಕೆಲಸ ನಿರಂತರವಾಗಿ ನಡೆಯುತ್ತಿದೆ ಎಂಬುದು ಗಮನಿಸಬೇಕಾದ ಸಂಗತಿ.
ಈ ಮಿಷನ್ ಭೂಮಿಯ ಮೇಲಿನ ಮಾನವ ಜೀವನದ ಸುಧಾರಣೆಗಾಗಿ ಮಾತ್ರವಲ್ಲದೆ, ಚಂದ್ರ ಮತ್ತು ಮಂಗಳದಂತಹ ಆಳವಾದ ಬಾಹ್ಯಾಕಾಶ ಕಾರ್ಯಾಚರಣೆಗಳ ತಯಾರಿಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಅನಿಲ್ ಮೆನನ್ ಅವರ ಈ ಮಿಷನ್ ಭಾರತೀಯ ಮೂಲದ ಜನರಿಗೆ ಹೆಮ್ಮೆಯ ವಿಷಯವಾಗಿದ್ರೂ ಸಹ ಜಾಗತಿಕ ಬಾಹ್ಯಾಕಾಶ ಸಂಶೋಧನೆಯಲ್ಲಿ ಮತ್ತೊಂದು ಗಮನಾರ್ಹ ಹೆಜ್ಜೆಯಾಗಿದೆ.
- PM Modi : ಮೋದಿಗೆ ಘಾನಾ ದೇಶದ ಅತ್ಯುನ್ನತ ರಾಷ್ಟೀಯ ಪ್ರಶಸ್ತಿ ಪ್ರದಾನ
- Current Affairs Quiz : ಪ್ರಚಲಿತ ಘಟನೆಗಳ ಕ್ವಿಜ್ (03-07-2025)
- ಇಂದಿನ ಪ್ರಚಲಿತ ವಿದ್ಯಮಾನಗಳು / 02-07-2025 (Today’s Current Affairs)
- Meet Anil Menon : 2026ರಲ್ಲಿ ಬಾಹ್ಯಾಕಾಶಕ್ಕೆ ಮತ್ತೊಬ್ಬ ಭಾರತೀಯ ಮೂಲದ ಗಗನಯಾತ್ರಿ ಅನಿಲ್ ಮೆನನ್
- Current Affairs Quiz : ಪ್ರಚಲಿತ ಘಟನೆಗಳ ಕ್ವಿಜ್ (02-07-2025)
