ನೇಪಾಳ ಚುನಾವಣೆ : RSP ಪಕ್ಷಕ್ಕೆ ಭಾರಿ ಮುನ್ನಡೆ, ಬಲೇನ್ ಶಾ ಮುಂದಿನ ಪ್ರಧಾನಿ..?
Nepal Election Result : ನೇಪಾಳದಲ್ಲಿ ನಡೆದ ಸಾಮಾನ್ಯ ಚುನಾವಣೆಯಲ್ಲಿ ಬಲೇನ್ ಶಾ (Balen Shah) ನೇತೃತ್ವದ Rastriya Swatantra Party (ಆರ್ಎಸ್ಪಿ) ಭಾರೀ ಜಯದತ್ತ ಮುನ್ನಡೆಯುತ್ತಿದೆ. ಇತ್ತೀಚಿನ Election Commission of Nepal ಪ್ರಕಟಿಸಿದ ಮಾಹಿತಿಯ ಪ್ರಕಾರ, 165 ಸ್ಥಾನಗಳಲ್ಲಿ 34 ಸ್ಥಾನಗಳನ್ನು ಪಕ್ಷ ಗೆದ್ದಿದ್ದು, ಇನ್ನೂ 90ಕ್ಕೂ ಹೆಚ್ಚು ಕ್ಷೇತ್ರಗಳಲ್ಲಿ ಮುನ್ನಡೆ ಸಾಧಿಸಿದೆ. ಕೆ.ಪಿ. ಒಲಿ ಶರ್ಮಾ ಸರ್ಕಾರದ ಪತನದ ಬಳಿಕ ಮಾ.5ರಂದು ಸಾರ್ವತ್ರಿಕ ಚುನಾವಣೆ ನಡೆದಿದ್ದು ಸೋಮವಾರ ಫಲಿತಾಂಶ ಹೊರ ಬಿದ್ದಿದೆ.
ನೇಪಾಳದ ರಾಜಧಾನಿ ಕಠ್ಮಂಡು ಜಿಲ್ಲೆಯ 10 ಕ್ಷೇತ್ರಗಳಲ್ಲೂ ಆರ್ಎಸ್ಪಿ ಪಕ್ಷ ಸಂಪೂರ್ಣ ಜಯ ಸಾಧಿಸಿರುವುದು ಗಮನಾರ್ಹ. ಗುರುವಾರ ನಡೆದ ಮತದಾನದಲ್ಲಿ ಯುವ ಮತದಾರರ ಭಾರೀ ಬೆಂಬಲದಿಂದ ಬಲೇನ್ ಶಾ ಪಕ್ಷಕ್ಕೆ ದೊಡ್ಡ ಯಶಸ್ಸು ಸಿಕ್ಕಿದೆ.
ಜಾಪಾ–5 ಕ್ಷೇತ್ರದಲ್ಲಿ ಬಲೇನ್ ಶಾ 42,543 ಮತಗಳನ್ನು ಪಡೆದು ಜಯಗಳಿಸಿದ್ದು, ನಾಲ್ಕು ಬಾರಿ ಪ್ರಧಾನಿಯಾಗಿದ್ದ K. P. Sharma Oli ಅವರಿಗೆ ಕೇವಲ 11,427 ಮತಗಳು ಮಾತ್ರ ಸಿಕ್ಕಿವೆ.
ಇನ್ನೊಂದೆಡೆ Nepali Congress ಪಕ್ಷವು 6 ಸ್ಥಾನಗಳಲ್ಲಿ ಗೆಲುವು ಸಾಧಿಸಿದ್ದು, ಇನ್ನೂ 10 ಕ್ಷೇತ್ರಗಳಲ್ಲಿ ಮುನ್ನಡೆ ಸಾಧಿಸಿದೆ. Nepal Communist Party ಎರಡು ಸ್ಥಾನಗಳನ್ನು ಗೆದ್ದು 8 ಕ್ಷೇತ್ರಗಳಲ್ಲಿ ಮುನ್ನಡೆ ಹೊಂದಿದೆ.
ಮಾಜಿ ಪ್ರಧಾನಿ ಕೆ.ಪಿ. ಶರ್ಮಾ ಒಲಿ ನೇತೃತ್ವದ Communist Party of Nepal (Unified Marxist–Leninist) ಒಂದು ಸ್ಥಾನ ಗೆದ್ದು 8 ಕ್ಷೇತ್ರಗಳಲ್ಲಿ ಮುನ್ನಡೆಯಲ್ಲಿದೆ.ಇನ್ನೂ Shram Sanskriti Party ನಾಲ್ಕು ಕ್ಷೇತ್ರಗಳಲ್ಲಿ ಮುನ್ನಡೆಯಲ್ಲಿದ್ದು, Rastriya Prajatantra Party ಒಂದು ಕ್ಷೇತ್ರದಲ್ಲಿ ಮುನ್ನಡೆ ಸಾಧಿಸಿದೆ. ಒಬ್ಬ ಸ್ವತಂತ್ರ ಅಭ್ಯರ್ಥಿ ಒಂದು ಸ್ಥಾನ ಗೆದ್ದಿದ್ದಾರೆ.
ಆರ್ಎಸ್ಪಿ ಅಧ್ಯಕ್ಷ Ravi Lamichhane ಚಿತ್ವನ್–2 ಕ್ಷೇತ್ರದಲ್ಲಿ ಭಾರೀ ಅಂತರದಿಂದ ಜಯಗಳಿಸಿದ್ದು, ಇದು ಅವರ ಮೂರನೇ ನಿರಂತರ ಗೆಲುವಾಗಿದೆ.
ಶಾ ಬಾಲೆನ್ ಯಾರು..?
ಕಠ್ಮಂಡು ಮೆಟ್ರೋಪಾಲಿಟನ್ ಸಿಟಿ ಮೇಯರ್ ಬಾಲೇಂದ್ರ ಶಾ ಬಾಲೆನ್ ಎಂದು ಜನಪ್ರಿಯವಾಗಿದ್ದಾರೆ. ಬಾಲೆನ್ ಶಾ 1990ರಲ್ಲಿ ಕಠ್ಮಂಡುವಿನಲ್ಲಿ ಮೈಥಿಲ್ ಮಾಧೇಸಿ ಮೂಲದ ನೇವರ್ ಬೌದ್ಧ ಕುಟುಂಬದಲ್ಲಿ ಜನಿಸಿದರು. 35 ವರ್ಷದ ಇಂಜಿನಿಯರ್ Balendra Shah ನೇಪಾಳದ ಮುಂದಿನ ಪ್ರಧಾನಿ ಯಾಗಲಿದ್ದಾರೆ. 2016 ರಿಂದ 2018ರವರೆಗೆ ಬೆಳಗಾವಿ ವಿಟಿಯು ಅಡಿಯಲ್ಲಿ ಬರುವ ನಿಟ್ಟೆ ಮೀನಾಕ್ಷಿ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (NMIT) ನಲ್ಲಿ ಸ್ಟ್ರಕ್ಚರಲ್ ಎಂಜಿನಿಯರಿಂಗ್ನಲ್ಲಿ ಮಾಸ್ಟರ್ ಆಫ್ ಟೆಕ್ನಾಲಜಿ (M.Tech) ಪದವಿ ಪಡೆದಿದ್ದರು.
2022ರಲ್ಲಿ ಅವರು ಕಠ್ಮಂಡುವಿನ ಮೇಯರ್ ಚುನಾವಣೆಯಲ್ಲಿ ಸ್ವತಂತ್ರ ಅಭ್ಯರ್ಥಿಯಾದರು. ಇತರ ಹಳೆಯ ಪಕ್ಷಗಳ ಸ್ಪರ್ಧಿಗಳನ್ನು ಸೋಲಿಸಿ 61,000ಕ್ಕೂ ಹೆಚ್ಚು ಮತಗಳಿಂದ ಗೆಲುವು ಸಾಧಿಸಿದರು.ಕಳೆದ 18 ವರ್ಷಗಳಲ್ಲಿ ನೇಪಾಳದಲ್ಲಿ 14 ಸರ್ಕಾರಗಳು ಬದಲಾಗಿರುವ ಹಿನ್ನೆಲೆ, ಈ ಬಾರಿ ಜನರು ಸಾಂಪ್ರದಾಯಿಕ ರಾಜಕೀಯ ಪಕ್ಷಗಳನ್ನು ತಿರಸ್ಕರಿಸಿರುವುದು ಸ್ಪಷ್ಟವಾಗಿದೆ.
ಪ್ರಸ್ತುತ ಚುನಾವಣೆಯಲ್ಲಿ 4 ಸಲ ಪ್ರಧಾನಿಯಾಗಿದ್ದ ಒಲಿ ವಿರುದ್ಧ 4842 ಮತಗಳ ಅಂತರದಲ್ಲಿ ಗೆಲವು ಸಾಧಿಸಿದ್ದಾರೆ. ಶಾ ಬೆಳಗಾವಿಯ ವಿಟಿಯು ವಿಶ್ವವಿದ್ಯಾನಿಲಯದ ಅಡಿಯಲ್ಲಿ ಬರುವ ನಿಟ್ಟೆ ಕಾಲೇಜಿನಲ್ಲಿ ಎಂಟೆಕ್ ಪೂರ್ಣಗೊಳಿಸಿದ್ದರು.
ನೇಪಾಳದಲ್ಲಿ ಸಂಸದರ ಆಯ್ಕೆ ಹೇಗೆ..?
ನೇಪಾಳದ ಚುನಾವಣಾ ವ್ಯವಸ್ಥೆಯು ಮಿಶ್ರ ಚುನಾವಣಾ ವ್ಯವಸ್ಥೆಯನ್ನು ಆಧರಿಸಿದೆ, ಅಂದರೆ ಸಂಸದರನ್ನು ಎರಡು ವಿಧಾನಗಳ ಮೂಲಕ ಆಯ್ಕೆ ಮಾಡಲಾಗುತ್ತದೆ: ನೇರ ಚುನಾವಣೆ ಮತ್ತು ಪಕ್ಷದ ಒಟ್ಟು ಮತಗಳ ಮೂಲಕ.
ನೇರ ಚುನಾವಣೆ (ಪೋಸ್ಟ್ ನಂತರ ಮೊದಲು)
ಸಂಸತ್ತಿನ 275 ಸ್ಥಾನಗಳಲ್ಲಿ, 165 ಸ್ಥಾನಗಳನ್ನು ನೇರವಾಗಿ ಆಯ್ಕೆ ಮಾಡಲಾಗುತ್ತದೆ. ಪ್ರತಿ ಕ್ಷೇತ್ರದಲ್ಲಿ, ಜನರು ತಮ್ಮದೇ ಆದ ಅಭ್ಯರ್ಥಿಗೆ ಮತ ಹಾಕುತ್ತಾರೆ. ಹೆಚ್ಚಿನ ಮತಗಳನ್ನು ಪಡೆದ ಅಭ್ಯರ್ಥಿ ಗೆಲ್ಲುತ್ತಾರೆ.
ಮತಗಳ ಶೇಕಡಾವಾರು (ಅನುಪಾತ ಪ್ರಾತಿನಿಧ್ಯ) ಆಧಾರದ ಮೇಲೆ ಸ್ಥಾನಗಳು
ಉಳಿದ 110 ಸ್ಥಾನಗಳನ್ನು ಪಕ್ಷಗಳು ಪಡೆದ ಮತಗಳ ಶೇಕಡಾವಾರು ಆಧಾರದ ಮೇಲೆ ನೀಡಲಾಗುತ್ತದೆ. ಮತದಾರರು ಅಭ್ಯರ್ಥಿಗೆ ಅಲ್ಲ, ಪಕ್ಷಕ್ಕೆ ಮತ ಹಾಕುತ್ತಾರೆ. ದೇಶಾದ್ಯಂತ ಅದರ ಒಟ್ಟಾರೆ ಮತ ಹಂಚಿಕೆಯಿಂದ ಪಕ್ಷದ ಸಂಸದೀಯ ಸ್ಥಾನಗಳನ್ನು ನಿರ್ಧರಿಸಲಾಗುತ್ತದೆ.
ಈ ವ್ಯವಸ್ಥೆಯ ಉದ್ದೇಶವೆಂದರೆ ಸಣ್ಣ ಪಕ್ಷಗಳು ಮತ್ತು ವಿವಿಧ ಸಾಮಾಜಿಕ ಗುಂಪುಗಳು ಸಂಸತ್ತಿನಲ್ಲಿ ಸ್ಥಾನ ಪಡೆಯುವುದನ್ನು ಮತ್ತು ಯಾವುದೇ ಒಂದು ಪಕ್ಷವು ಸಂಪೂರ್ಣವಾಗಿ ಪ್ರಾಬಲ್ಯ ಸಾಧಿಸದಂತೆ ನೋಡಿಕೊಳ್ಳುವುದಾಗಿದೆ.
- ನೇಪಾಳ ಚುನಾವಣೆ : RSP ಪಕ್ಷಕ್ಕೆ ಭಾರಿ ಮುನ್ನಡೆ, ಬಲೇನ್ ಶಾ ಮುಂದಿನ ಪ್ರಧಾನಿ..?
- ಮಾರ್ಚ್ ತಿಂಗಳ ಪ್ರಮುಖ ದಿನಗಳು / Important days in March
- ಮಾರ್ಚ್ 7 : ಔಷಧಿ ದಿವಸ್ (Aushadhi Diwas)
- ಟಿ20 ವಿಶ್ವಕಪ್ ಫೈನಲ್ : ಅಹಮದಾಬಾದ್ನ ಭಾರತ-ನ್ಯೂಜಿಲೆಂಡ್ ಫೈನಲ್ ಫೈಟ್
- Hurun’s global rich list 2026 : ಭಾರತದ ಶ್ರೀಮಂತರ ಪಟ್ಟಿಯ ಆಗ್ರಾ ಸ್ಥಾನದಲ್ಲಿ ಮುಖೇಶ್ ಅಂಬಾನಿ
